番茄,薯仔 say Happy New Year to all of You

番茄, 薯仔：祝大家新年快樂

新嘅一年大家都好似我哋兩個咁開開心心

2010年大事回顧

2010年最大嘅事就係屋企多咗位新成員.

就係超級無敵百厭到暈嘅薯仔細佬!!  令到本來平平淡淡嘅一年有咗幾大嘅改變。其實多一個成員呢個決定並唔係一時衝動，不過當初只係諗住等番茄多一個妹妹而唔係細佬

2010年八月我第一次見到你...你嘅純真，你嘅敦厚蒙蔽咗我應有嘅理智

比起當年嘅番茄你實在太純品喇!!

最吸引我嘅係你頭髮嘅顏色，實在太英俊喇～～

你嘅髮型更加顛倒眾生

比起番茄細個嗰時.....

就係因為種種嘅原因開始咗我哋之間嘅親密關係.....................

可惜係個惡夢嘅開始，原來當日純品嘅你竟然係一隻魔鬼

比起已經亭亭玉立斯斯文文嘅番茄.....

你簡直就係魔鬼嘅化身.....

最令我喜出望外嘅原本諗住以你BB時候嘅體形，我以為可以將細小嘅你放係袋裡面周圍去.........

點知比起差唔多兩歲嘅番茄還要大.........

 可以用高頭大馬嚟形容6個半月嘅你

細佬我講笑咋～～唔好嬲我喎其實你開朗聰明嘅性格喺呢短短3個半月裡面帶咗好多歡樂比我同番茄～～ 我仲等緊你快高長大㗎!!! 大D啦~~大D啦~~我好想要一隻Mini

最後總結係2010年係開心嘅一年，因為唔開心嘅時候只要見到番茄同薯仔就咩都唔記得哂，亦冇時間再諗落去～～ 番茄, 薯仔... I Love You
開心嘅一年...亦都因為有一班本來素未謀面喺Blog識嘅朋友，由最初只係為咗身邊嘅小朋友而聚埋一齊，到咗今日我哋已經係會一齊食飯, 一齊Shopping, 甚至慶祝大家生日嘅好朋友。
多謝你哋喺我有時同時應付唔到番茄加埋薯仔嘅時候伸出援手，好感激你哋







 

Boxing Day Party

Boxing Day約咗成班朋友仔嚟屋企玩..10人8狗好熱鬧呀番茄, 薯仔就大收禮物, 發達喇!!! 全部都係佢哋至愛嘅食物同玩具，真係好多謝你哋嘅心意。老爺，奶奶買比家嫂同細佬嘅鹿根骨係佢哋嘅至愛，Bryan同Cecile買嘅薑餅人餅餅佢哋又係勁鍾意食。番茄,薯仔啲零食仲多過佢哋D糧呀

除咗小朋友嘅食物之外，大人嘅飲品都有贊助商喎。多謝Niza爸支古棉純同朱古力多謝Tom哥哥嘅Bailey~~

成班好朋友一齊飲飲食食, 玩吓, 唱下歌仔, 傾下計真係一件好開心嘅事，勁多酒飲，勁多野食嘅一晚～～

首先係各方好友贊助, 加埋我哋一早訂咗嘅紅酒同白酒

呢包叫法國活青口，勁鮮甜

烹調方法係先炒熟, 再加白汁同先前已經炒香咗嘅洋蔥

完成品，佢哋個個都話好鮮甜呀~~

妹妹同Cecile都鍾意食嘅Pama Ham

配哈密瓜食

我好鍾意食嘅鴨肝

配法國麵包，勁正!!

韓式去骨牛小排，點解咁貴？因為真係好好味囉～～哈哈

我哋喺街市買$128/斤嘅海蝦, 煮熟之後全部剪咗D好唔美觀嘅蝦腳...然後放入雪櫃，加茄汁配Tabasco...凍食

呢隻火雞比我預期中好食

太飽喇，當晚我只係食咗兩件嘅壽司。妹妹後尾話比我知佢食咗3件，但係全部一共85件，夠竟邊個咁食得？將所有壽司全部清哂，哈哈哈哈哈

奶茶成個餵食樣上哂鏡

麥皮最鍾意就係我屋企張單人Sofa

好上鏡嘅Mo Mo

番茄期待嘅眼神...唔駛問都知道佢係期待緊D美味零食啦~~

細佬玩到冇哂電

多謝哂你哋嘅禮物呀～～

玩花式 (1)-跳圈,跳紙圈

薯仔最近跟Ben Sir學花式訓練，上第二堂嘅時候Ben Sir教細佬跳圈..由大跳到細，薯仔好快學識喇，叻仔喎





到第三堂細佬就玩跳紙圈，可能薯仔係百厭仔一名嘅關係......所以學野特別快上手