寵物用品展

今日係寵物用品展嘅第一日,好彩人同狗狗都唔算太多~~我大約一點去到, 行到差唔多三點幾至走,行到腳仔都軟埋, 好彩冇帶番茄去咋, 帶埋佢去就無得慢慢睇同買到咁多野今年會場嘅攤位最多嘅係食品,其次就係玩具同用品, 最扺買嘅都係Ｄ食物同玩具..我買左小食($10蚊包),全天然罐頭($80蚊12盒,即是大約$6.5一盒,我喺pex max見到$9.5一盒), 一張超舒服嘅床仔($230蚊), 一個clicker ($30蚊), 智力球($60蚊, 喺出面pet shop見到$88蚊,玩法係張Ｄ零食放入個波波裡面,等狗狗自已諗辦法攞佢出嚟食), 一隻大雞雞 ($30蚊, Ｄ聲好搞笑), 一條果味潔齒骨($45蚊), 一個疏毛毛刷($90蚊,有軟墊,可以揭起膠蓋部份Ｄ"luck"左嘅毛毛就可以一次過拎哂出嚟,果然加左軟墊易疏好多,感覺都唔同Ｄ~~), 出街用嘅水樽($20蚊),同埋一條頸練($20蚊)..其餘嘅都係Ｄ贈品,我最鐘意嘅贈品就係一個番茄玩具喇

去完寵物用品展放低Ｄ戰利品返屋企, 就同Miffy媽去shopping...買左對波鞋同買左條裙仔比番茄, Miffy媽就買左個圍欄同Miffy哋嘅用品..行到好攰呀~~不過買到咁多靚嘢都抵返哂同好開心

寵物用品展嘅收穫

超正床仔~~

番茄條新裙仔,不過我打算換大一個size

呢個咪係我最鐘意嘅贈品, 一個番茄玩具~~下番茄幾鐘意張床仔!!

寵物用品展-難忘事件

喺寵物用品展當日見到動物領養中心嘅攤位有好多待領養嘅狗狗, 於是行埋去睇吓.. 其中有個義工姐姐抱住隻盲眼嘅長毛芝娃娃 ,原來隻長毛芝娃娃已經10.5歲, 佢唔係天生失明, 只係前主人見佢眼發炎都晤帶佢去醫, 當佢嘅眼疾愈來愈嚴重嘅時候就索性將佢遺棄喺街頭... 好彩有個好心人送佢入中心 ,義工姐姐立即帶佢去醫院檢查 醫生話佢嘅眼眶亦都受到細菌感染要盡快做手術摘除兩個眼球, 否則小命難保.. 

而蕭邦嘅所有醫療支出都係由動物領養中心支付, 其實除左蕭邦之外嗰度嘅每一隻狗狗都有佢哋背後嘅一個故事 ... 喺動物領養中心個網頁有得訂購寵物用品速遞公司各款品牌寵物糧,  價錢比出面仲要平大約＄30-＄40蚊一包, 而寵物用品速遞公司會在每包寵物糧之售價中會撥捐 HK$20比動物領養中心, 為中心內被遺棄動物之醫療基金及日常營運開支。(HK$300以上，免費送貨) 有關 詢及訂購產品請致電 訂購熱線 : 8202 2023

 http://www.hk-aac.com/ch/indexch.htm

上面嘅網址可以睇到佢哋有好多牌子嘅糧, 仲有寵物用品同小食訂購.

番茄  : MIFFY, MINNIE, 啤啤, 奶茶, 麥皮, 茶茶 仲有CAROL姐姐5隻狗狗..原來我哋好好好幸福架 不如你哋都叫爹地, 媽咪幫下D可憐嘅狗狗, 幫寵物用品速遞公司訂你哋啲糧啦~~

番茄 : 媽媽抱住嘅就係蕭邦喇~~D主人無人性架

 

 

 

 

寵物用品展-難忘事件

喺寵物用品展當日見到動物領養中心嘅攤位有好多待領養嘅狗狗, 於是行埋去睇吓.. 其中有個義工姐姐抱住隻盲眼嘅長毛芝娃娃 ,原來隻長毛芝娃娃已經10.5歲, 佢唔係天生失明, 只係前主人見佢眼發炎都晤帶佢去醫, 當佢嘅眼疾愈來愈嚴重嘅時候就索性將佢遺棄喺街頭... 好彩有個好心人送佢入中心 ,義工姐姐立即帶佢去醫院檢查 醫生話佢嘅眼眶亦都受到細菌感染要盡快做手術摘除兩個眼球, 否則小命難保.. 

而蕭邦嘅所有醫療支出都係由動物領養中心支付, 其實除左蕭邦之外嗰度嘅每一隻狗狗都有佢哋背後嘅一個故事 ... 喺動物領養中心個網頁有得訂購寵物用品速遞公司各款品牌寵物糧,  價錢比出面仲要平大約＄30-＄40蚊一包, 而寵物用品速遞公司會在每包寵物糧之售價中會撥捐 HK$20比動物領養中心, 為中心內被遺棄動物之醫療基金及日常營運開支。(HK$300以上，免費送貨) 有關 詢及訂購產品請致電 訂購熱線 : 8202 2023

 http://www.hk-aac.com/ch/indexch.htm

上面嘅網址可以睇到佢哋有好多牌子嘅糧, 仲有寵物用品同小食訂購.

番茄  : MIFFY, MINNIE, 啤啤, 奶茶, 麥皮, 茶茶 仲有CAROL姐姐5隻狗狗..原來我哋好好好幸福架 不如你哋都叫爹地, 媽咪幫下D可憐嘅狗狗, 幫寵物用品速遞公司訂你哋啲糧啦~~

番茄 : 媽媽抱住嘅就係蕭邦喇~~D主人無人性架

 

 

 

 

LX3相機配件-攝影

琴晚食完飯..無無聊聊又捉住番茄影相..初初用個新鏡頭發覺有D難控制,不過琴晚開始好少少喇, 仲影得好過之前個D添..越影越鍾意個微距鏡..好好玩呀~~我仲用左星光鏡試影添..個效果好靚..可惜出面既街景唔靚啦..如果係尖沙咀影一定會靚好多

 

加左星光鏡影, D星星好靚呀

 

微距鏡下之沈思的番茄

微距鏡下之無奈的番茄

微距鏡下之沈悶的番茄

微距鏡下之幽鬱的番茄

微距鏡下之憤怒的番茄

增距鏡下之等待的番茄

麥當奴Hello Kitty

早排係麥當奴換左一套hello kitty, hello kitty嘅公仔巳經越嚟越多,成間房都係...飾物櫃,層架,書枱周圍都係~~比人又唔捨得,有d巳經帶左返公司擺..其實我巳經冇買好耐,呢套都係妹妹送嘅~~

一套五隻~~

呢d係儲左好多年嘅其中一部份

LX3相機配件

終於買左LX3嘅配件套裝,廣角鏡連微距+ZOOM鏡3.0+ 轉接筒+十字星光濾鏡+偏光鏡..要喺油麻地地鐵站交收,個相機哥哥非常之好人講解左成20分鐘,續個鏡頭試下個加同末加嘅效果,試完返到去一陣Carol姐姐就嚟到幫番茄辦靚靚. 番茄今次就淨係沖涼同修修D毛毛..Carol姐姐走左之後就梗係第一時間攞哂D配件出嚟續件試啦~~番茄又要麻煩你做下"靚模"喇

搞完一大輪巳經差唔多7點,就帶埋番茄去勝利道Lets Dog Cafe食飯.D野食都OK喎,由其是個酥皮Pizza..好好味!!我哋兩個人叫左廾蒜香雞翼,煙鴨胸磨菇海鮮酥皮Pizza,日式肥牛炒烏東,奶油焗多士,荔枝梳打特飲同青蘋果枹冰..番茄就食雞肉芝士三色縲絲粉,佢超鍾意食,全部食哂~~買單Total$248.

呢個係雞肉芝士三色縲絲粉 (加左微距鏡影,好掂~~)

番茄 : 媽媽..你影到我好想瞓覺覺~(加左廣角鏡連微距,雖然好近影但係範圍就闊左)

加左增距鏡影,我行到好遠,佢唔知我影梗佢..咁就影到近鏡喇~~

不過加左個增距鏡頭部機就好重,同埋ZOOM到咁埋影隻手要好定~~

呢幅都係加左增距鏡同佢影~~~

用左淨微距鏡片,好搞笑

 

p.s.奶皮媽快Ｄ買啦..好好玩~~我就覺得個廣角鏡連微距好玩D,可以先買~~

 

 

 

第一堂

同番茄報左名返學,因為今晚係上第一堂理論堂所以唔使帶番茄去, 下午就帶左番茄去公園行下, 都成5點啦仍然非常之熱~~去到公園見到好多小朋友,佢哋仲埋去同番茄玩添,有D就要同番茄影相,搞到佢申晒俐仔抖氣咁樣行左陣玩左陣就帶佢返屋企我就去上堂喇~~

今堂理論堂要上兩小時,主要係教主人應該用咩方式,態度去同狗狗相處..講師係MAC SIR佢仲叫我哋買本狗狗有家教睇吓 其中有D事係主人絕對唔應該對狗狗做..不過原來我都做左大部份~~ 其中一樣係唔可以比佢上床同sofa, 成日上添由其是sofa原因係你唔可以比佢覺得佢同你嘅身份係平起平坐..其次就係每次遊戲嘅時間唔可以超過10分鐘,因為狗狗嘅情緒應該長期處於平靜同冷靜嘅狀態,所以每次遊戲嘅時間10分鐘已經足夠, 玩具玩完10分鐘後就要收起,目的係等佢哋學識珍惜~~我一向都會擺喺度由得佢玩 ,又做錯左添~~仲有好多都係原來唔應該做但係做左 等我試下照佢嘅講法做睇吓番茄會唔會乖D先

 

 

番茄 : 好熱呀～～咁熱仲去行公園～～

 

 

番茄 : 好口渴~~