番茄病況

啱啱返到公司，不過我知道好多人都好關心同好擔心番茄，所以我寫左BLOG至做野....好多謝你哋呀～～

琴日我真係好擔心番茄呀，放工第一時間返去，諗住如果見佢仲好唔舒服就同佢睇夜診，返到去見到佢精神比朝早好左，於是煮左D雞柳撈飯比佢食，聽講比雞肉飯D肚仔唔舒服嘅狗狗食會有D幫助，醫生都係咁講，好彩朝早完全唔食野嘅番茄終於食哂兜雞肉飯，之後發覺佢D便便仲係好林，同竟然有少少血，好擔心..今朝起身見都佢精神都幾好，餵左D乾糧比佢食，佢都食哂，跟住就同佢去睇醫生喇，DR TINT話佢大腸末端發炎，食左藥會冇事，叫我唔駛擔心好少事，不過佢話如果好返之後一斷時間發覺又再係咁，就建議轉糧，佢話CANIDATE都係一隻好好嘅糧，不過如果好返之後又再經常性係咁就可能係隻糧唔適合佢食喎～～番茄而家食緊CANIDATE全肉類嘅全犬糧，我諗住食埋D糧就比佢轉食MIMI個隻CANIDATE三文魚糧~~

番茄：好多謝你哋嘅關心，我覺得有返少少胃口食野～～我好快可以出嚟同你哋玩架喇~~~