9月20日奶茶一歲生日

今日係奶茶先生一歲生日，去咗奶皮媽屋企慶祝~~

一入門口就比奶茶先生熱烈款待～～番茄就緊係唔執輸啦，一入到奶皮媽間屋就同奶茶玩到顛哂，嚇到麥皮要走入籠.....坐咗一陣MIMI媽哋就到，加埋MIFFY同MINNIE成間屋即刻熱鬧哂～～

不過好奇怪嘅事就發生咗，原來奶茶先生對和服情有獨鍾，話說當日MIFFY就係著咗件性感小和服，搞到奶茶先生相當興奮。......玩完一大輪，終於到切蛋糕嘅時候，奶皮媽訂左個好大個嘅骨頭香蕉味蛋糕。一睇已經知有排食，不過好似好好味喎，奶皮爸切咗好大件比番茄...嘩，仲得了～～於是番茄件蛋糕就唯有同MIFFY，MINNIE一齊分享喇～～好快就比佢哋食哂，食得最多嘅緊係又係番茄啦～～啲小朋友食完就輪到大人食，我哋食左一盤好大嘅壽司，仲有奶皮爸整嘅好味雞翼同超!超!超!好味雞蛋～～ (細細聲)奶皮媽：啲雞蛋真係好好味，其實我個日聽到你話仲有，我仲想食架，不過唔好意思咁喟食咋，哈哈～～

食完野，又再玩過～～到左6點幾至走，MIMI媽哋一落車，番茄就即刻瞓覺，瞓到落車～～

好多謝奶皮媽一家嘅熱烈款待!!

Happy Birthday to you~~~ Happy Birthday to you~~Happy Birthday to "Na Cha"...Happy Birthday to you~~~~~~~~~~~~~~

奶茶望咩望到咁入神呀～～

奶茶：冇野望呀～不過我覺得自己今日好斯文靚仔咪坐定啲啲囉～～

番茄：奶皮媽，你個地下好C服呀～～

 麥皮：我型唔型女呀??

番茄：媽媽，我好鍾意條呔呀～～我覺得自己型爆呀～～