LETS DOG CAFE之不開心的一天

今日係星期二,去LETS DOG CAFE已經係星期日嘅事，諗左好耐應該點寫呢？因為我唔知應該用開心定唔開心嚟形容~~我唔想講我開心，因為MIFFY我真係好唔開心 原來個日我都冇同番茄影到相~~

本來約左MIMI媽，奶皮媽同啤啤媽去LETS DOG CAFE，點之個朝收到MIMI媽個電話，話MIFFY個背隻生左個大水泡，我心裡面第一個反應就係..隻眼仔至啱啱好返，唔好又係MIFFY啦～～

話說MIFFY用左SPA呢個牌子嘅海底泥SAMPOO之後就首先眼角漠潰瘍, 跟住就皮膚過敏生左個大水泡... 究竟係咁啱定係正如該SPA創辦人蔡先生所講MIFFY體內太多毒素而家迫哂佢D毒素出嚟..就要等D精明嘅消費者自己去判斷喇~~

不過喺CAFE度最有趣嘅事係見到書生形嘅啤啤個食相...真係狗不可以貌相 好彩有個高貴嘅番茄陪佢食～食～食... 佢哋兩個嘅食相真係嚇屎人呀～～好似幾日冇食過野咁～～仲要比奶皮媽錄低左佢哋個食相拿~拿~拿~奶皮媽你唔好將段片咁揚呀~~~如果唔係第時番茄冇人要就要委屈你位奶茶先生㗎喇

當我喺CAFE出嚟見到睇完醫生嘅MIFFY之後就更加唔開心有D人為左錢亂咁發明啲人又用狗又用嘅產品真係實在唔知講咩好～～呢樣係個位創辦人親口同我講話佢都係用個隻海底泥醫返好自己對腳

MIFFY係番茄最好嘅朋友，當番茄喺CAFE出嚟見到MIFFY，MIFFY又見到番茄嘅時候大家都好激動同興奮，為左唔想令MIFFY插了管個傷口整傷我唯有帶番茄行開D 

MIMI媽個日仲送左份我好鍾意嘅禮物比我~~多謝你呀!! 之前佢又送左條我個個朋友都話靚嘅裙仔比番茄，MIMI媽話佢本來係買比MIFFY點之好大條唔啱著我都覺得我同MIMI媽好搞笑，我就買埋啲超細碼衫比番茄，搞到要MINNIE至啱著，MIMI媽就買條超大碼裙仔比MIFFY

早排幫番茄做左本相部，好靚呀～～裡面有MIFFY，MINNIE同奶茶先生嘅背面拎左好耐而家至得閒影相添～～

好靚呀～～多謝，MIMI媽～～

新成員加入

呢條就係個個都讚靚MIMI媽送嘅裙仔

Disney相部~~

裡面有番茄嘅泳照

當然仲有番茄D朋友仔啦