我和番茄過的第一個中秋節

今年係我同番茄過嘅第一個中秋節，雖然我哋冇出街玩但係同番茄一齊唔知點解今年嘅中秋節過得特別開心 因為番茄喺度覺得始終應該有啲節日氣氛所以就買咗兩個燈籠，好多年冇買過燈籠喇

今晚我哋買咗好多海鮮返屋企食，有魚，蝦，蟹仲有湯添，食到好飽呀～～今日除咗去街市買送都冇去過街，於是無無聊聊就同番茄影咗好多相

食完飯睇咗陣電視就同番茄落街行下，漫無目的咁一路行，行行下發覺有個球場竟然冇人，發達喇環境好似好安全咁喎於是就放繩...開心屎番茄囉

番茄係球場到喪跑咗好多個圈，嘩～佢個樣真係開心到不得了中秋節令我聯想到兔仔而番茄就好似一隻喺月光下奔跑嘅電兔嘩～佢個樣真係開心到不得了!!!

媽媽: 番茄..中秋節過得開唔開心呀?

番茄: 冇街街去有D悶喎~~媽媽..點解你咁開心嘅儍咗??

番茄: 我有Ｄ眼瞓喇~~去玩記得叫醒我喎~~

媽媽: 番茄你個鼻有頭皮呀~~

番茄: 無聊!!!

ZZZZzzzzzzzzzzzzzzzzzzzzzzzzzzzzzzzz