長洲一日游

今日天氣好好呀～唔太凍。於是決定同番茄去長洲行吓今次係番茄第二次搭船，第一次係去馬灣。今次好過上次好多，至少唔駛帶口罩上船 不過就要搭大船唔可以搭高速船，船程大約一個鐘～～雖然係星期日但係搭船嘅人都唔算太多，可能大部份人都係搭高速船.......一個鐘好快就過，到喇～～我都好耐冇去過長洲，仍然係同以前一樣咁熱鬧，食野嘅地方非常之多，D小食仲好好味添呀～～

雖然多人但係番茄總算有足夠嘅空間行到，沿路嘅風景都幾靚，行吓，影吓相，食吓野都幾好玩架～～好多人都去嗰度影相，所以我哋幫番茄影相嘅時候好多人都會順便同番茄影埋，喺個一刻番茄就變咗隻靚模狗可能係番茄個名牌，又可能係D人聽到我哋叫番茄，所以之後行過都會聽到有人叫番茄，個傻妹仲以為識嘅開心到屎

一路行就行到去沙灘，好靚呀～D沙又滑又乾淨，番茄個傻妹第一次去沙灘，行落D沙度，初初唔敢行添呀～～後未見到雀仔，仲去追隻雀仔呀!!

媽媽～你哋帶我去邊呀？

搭算去長洲呀～～好大風架，戴返頂帽帽先啦～～

番茄，你戴咗帽個樣好似聖誕老人呀

媽媽～到未呀？長洲係唔係好長架

媽媽～呢個邊個嚟呀

嘩～好犀利呀～好多哥哥姐姐同我影相呀～

擺多幾個靚POST先

番茄～你擺嚟擺去都係同一個表情嘅？？？

奶皮媽話靚嘅～～不過我好眼瞓喇~~

呢個POST會唔會有D新意呀？

媽媽～影得我COOL D丫～

 好呀～COOL D呀～EASY啦～～

我同你影小狗與海好唔好？ARE YOU READY？

YES，MAMI～～

嚟喇～1，2，3.........

GOOD TAKE~~~

番茄呀～同你一齊睇日落睇海都係第一次～

有你係我身邊個太陽好似特別靚咁～ 

媽媽～你做咩學奶茶講野呀

到咗夜晚我哋就去康記食海鮮，然後搭8.30班船走~~

媽媽～長洲D糕點好出名架，我都想試少少