星期日同番茄. FERGIE, 妹豬, 奶茶, 麥皮哋去南生圍玩...嗰日雖然冇陽光但係好彩都冇落雨
我哋兩點去到玩到6點至走, 走嗰時一個二個都跑到冇哂力係架車度瞓哂覺
佢哋個個都玩到好開心呀~~連最鍾意癡住媽咪嘅妹豬都跑埋一份
我哋大約六點就CALL車走喺等車嗰時見到番茄坐咗喺D草度申直哂後面兩隻腳仔坐..矇起對眼個樣好似恰眼瞓咁
上到車佢就第一個覺覺豬...到夜晚大約9點嘅時候我發覺佢單起一隻眼望我, 仲係咁流眼水添~~我整開佢隻眼睇, 見到眼下面D肉又紅又腫
越夜就越嚴重我睇住佢睇到4點至瞓, 今朝一早就打返公司請假帶佢去睇醫生.....
醫生幫佢滴D螢光濟睇下佢眼角漠有冇損到, 睇到係冇嘅~~但係醫生話佢隻眼仔好紅好腫話可能有機會有D野入咗佢嘅後眼簾, 然後比咗支藥水我..叫我喺出面每5分鐘幫佢滴一次, 要滴三次.......支藥水係有麻醉作用, 因為一陣要打開佢後眼簾睇, 結果係後眼殮裡面都冇野, 淨係又紅又腫~~
醫生話佢應該係喺草地玩嘅時候整到隻眼仔比D沙石或者係D草整傷咗, 今次已經係第二次去完南生圍要去睇眼
而每次佢都會整到D草入隻眼仔度..可能佢隻眼特別K形所以好容易入到野入去...... 睇嚟都係要暫別吓南生圍呢個地方喇, 因為嗰度實在太多雜草~
今次除咗 D小朋友玩得好開心之外, 我都影咗好多相呀~~人人都有沙龍
妹豬沙龍篇
睇吓妹豬幾開心~~
奶茶, 麥皮沙龍篇
飛雞沙龍篇
嘿嘿....每秒八張
番茄沙龍篇
靚靚媽咪沙龍篇
wow.........
beautiful~~~~~~~~~~~~
嘿嘿....每秒八張嘅人像沙龍
妹豬比色狼施暴篇
妹豬 : 哎呀~~~~~~~~~我條小蠻腰就嚟比你攬到斷喇!!!!!!!!
受驚嚇後嘅妹豬深感世途險惡..............
最後希望番茄快D好返啦～～呢輯相要暫時成為短期內嘅回憶
