毒物中之毒物

鏡頭之中最毒嘅毒物就係非大光圈定焦鏡莫屬，由其是手動定焦鏡...

話說有一日朋友借咗支CARL ZEISS手動定焦鏡比我玩，我就拎出嚟比番茄姨丈試玩，我見佢玩到唔捨得放手係咁影就知出事喇～～就由嗰一刻開始佢就泥足深陷 幾日之後佢就忍唔住買咗支CARL ZEISS 50mm 定焦鏡

由我用大機到而家我嘅個人體會係我覺得一支定焦鏡同一支長焦距鏡頭已經足夠，同埋我覺得天崖鏡雖然方便但係相嘅效果點都唔及分開焦段嘅靚~~

手動定焦鏡比我嘅第一個感覺係影出嚟D相好有立體感，好有奶油味，真係好靚～ 但係用嚟影狗狗真係有一定難度。當你教好FOCUS嘅時候佢已經唔知走咗去邊庶我識D唔係影狗狗嘅影相朋友佢哋用完定焦鏡之後已經唔鍾意用返變焦鏡～～ 

放毒時間，以下嘅相係喺榕樹灣嗰日影㗎～番茄姨丈用咗5D MARKII加CARL ZEISS定焦鏡影，真係冇得頂呀～～

睇吓幾有立體感，係唔係好掂呢？

睇吓隻狗狗幾有3D感～～

影到番茄立體哂~~~~

影人像仲掂支鏡有1.4大光圈

睇唔睇到奶油味幾重?? 夜晚冇加閃光燈影

後記：睇完之後會唔會考慮買返支手動定焦鏡旅行用呢？唔影狗狗嘅朋友會唔會考慮買埋部5D MARKII呢？（5D MARKII係FF機，連拍慢過7D，焦距唔係 x1.6係 x1少咗60mm, 我就唔會買喇）