星期日約咗妹豬, Fergie, Niza哋去萬宜水庫, 我哋喺北潭涌集合然後分兩部的士直入東霸嘅香港國家地質公園, 車程大約15分鐘~~ 沿路風景都好靚呀
落咗車之後就係一條好闊冇車行嘅路, 所以個個都可以放繩行入去...Niza 好叻女呀
放咗繩之後就慢慢跟大隊行...冇見咁耐大個女哂~~
今日真係天朗氣清仲好好太陽添
真係好熱呀~~雖然係咁不過D風景靚到個個都唔捨得放棄唔行
...我哋行到落小灘嘅時候Fergie仲熱到第一時間跳落水游水喎
嚇屎佢Daddy,Mami呀~~因為嗰度直游出去就係水塘喇!! Fergie從來未游過水㗎, 所以真係估佢唔到
今日真係好熱!! 不過大家都玩得好開心呀~~仲影咗好多相添, 因為D風景真係好靚呀~~~~~
風景篇
沙龍相續個嚟~~
首先出場係游泳選手Fergie小姐
跟住就係Niza小姐~~ Niza星期四做絕育手術, 希望佢可以快D康復同我哋一齊再玩過~~~
跟住係嗰日特別靚女嘅妹豬~~妹豬你D沙龍好靚呀!!
到剪咗新髮型嘅番茄~~
今次犀利喇連Niza Ba都有沙龍
咁冇理有我哋冇㗎~~
wow.....
玩得好開心呀～～下次再玩過～～
回覆刪除呢張好靚喎~ 妹豬個樣好搞笑
好開心聽到niza跟腳唔走咗去...
不過我見你哋個樣真係曬爆喎
[版主回覆06/07/2010 22:47:00]真係好曬呀～～NIZA大個女咗好多，好定 ～～
我都去過東霸呀!不過就係沿路行去浪茄個沙灘.果日熱屎左我地呀!!!!不過就真係好靚好靚呀!
回覆刪除番茄熱到眼都懞哂呀!哈哈~記得太熱要用水淋身呀!
見你地成日去玩,我都想去呀!
[版主回覆06/07/2010 22:57:00]我點至淋身呀～～濕埋腳添呀 如果行到我哋影相嘅地方要行3個鐘㗎～～所以我哋咪搭的士囉～～下次你撞啱星期日放假話比我知丫, 一齊去玩~~
我都話會好好天，妳做乜唔帶定把遮，想曬濃呀
回覆刪除[版主回覆06/10/2010 10:36:00]真係差D曬濃呀
愈來愈多女殺手囉.....
回覆刪除[版主回覆06/10/2010 10:37:00]呢個係善良嘅女殺手，因為佢夾住把遮出手唔會太重
咁熱 ... 我真係唔得啦 !
回覆刪除妳地真係好叻
[版主回覆06/10/2010 10:38:00]嘩，真係熱到飛起～～