又去橋咀島海灘

星期日同奶茶, 麥皮去海灘游水今次同上星期一樣又去橋咀島...不過今日我哋早咗出發10:30就去到西貢碼頭一齊食早餐跟住就搭船入去喇~~~天氣報告話會有驟雨仲諗住應該會冇咩太陽添.....點知最後個個都曬到濃咗!! 因為我哋玩到四點幾至走~~~~

今次有備而戰我哋帶咗船仔同大水泡仲有沙灘波添～～ 我買咗副黑超比番茄...其實唔係貪靚嘅原因係因為番茄隻眼仔好容易入沙同發炎所以有D保護會好D~~~~~

有黑超就緊係要有3點式啦!! 點知奶茶仔一見到番茄著起3點式即刻有哂反應兼情緒極度高漲連baba鬧都一於唔理...最後唯有幫番茄除咗佢

奶茶係第一個落水, 勁勇呀!! 不過佢都好乖仔一叫就返嚟~~~ 麥皮都游得比以前淡定冇咁驚....番茄同麥皮就好鍾意坐船仔因為唔駛游

唔知點解今日海灘嘅蠔殼比上次多下似要試下芙蓉灣或者浪茄~~西貢碼頭D船家話芙蓉灣D沙都好靚～～ 搭船出返西貢我哋就一齊去食海鮮我哋喺船仔度買..平! 靚! 正! 超抵呀~~~ 有石崇魚一大條, 老虎蝦8隻, 鮑魚8大隻 (都唔細㗎) 同埋超大花甲~~我哋自己拎去一間叫權記嘅茶餐廳比佢整仲叫咗個鹹魚雞粒炒飯...海鮮連飲品同煮海鮮費埋單$750蚊冇加一~~ 抵! 好味!!

奶茶一去到就放低幾兩目的係減輕重量游得快D

似乎真係得喎～～

"fing" 乾個身先..唔係honey唔認得我........

游完水休息五分鐘先~~

番茄 : Honey...你濕咗身好有型呀~~好似力蘇呀!!

麥皮好心急等隻船仔泵氣~~

游咗幾轉攰到唔識郁~~

一前一後麥皮連游水都跟住哥哥....

好開心呀～～我好耐冇見老爺同奶奶喇～～好掛住老爺整嘅雞肉丸呀!!

番茄 : 我想搽埋防曬呀!!

扮Cool~~~~~~

奶奶話我識擺Post~~~~

 睇吓Honey有冇周圍撩女仔先......

曬吓太陽先～～我要有古銅色嘅皮膚~~

 點呀?點呀?曬完係唔係覺得我D毛毛好有古銅呢

轉個頭D毛毛就乾哂喇~~~

三個都笑騎騎~~~

好少見到奶茶小鳥依人咁黐住mama.......

番茄成日就好貼身膏藥咁~~~

送上合照一張~~~~

 

 

番茄 : 妹豬下次我要同你跑海灘!!! Fergie 叫你baba買支超級名牌防曬比你mama啦! 咁你咪可以出嚟同我玩波波囉~~ 花婆婆你要多D休息, 快D好番呀!! mama唔比我叫埋你去游水水, 佢話你唔C服喎 Niza 唔盡咁懶成日掛住嘆冷氣...你下次都要一齊出嚟玩! 因為mama話要試你baba部新相機喎