不知不覺番茄已經一歲七個月大.....為咗佢嘅健康決定同佢做絕育手術~~
佢係8月27日喺太子CAU做Desex, 由於指定醫生嘅關係除咗desex費用$800仲要加$300. 上次打預防針嘅時候醫生話番茄D牙仔有D黃同有少少牙石, 於是今次就趁做desex順便幫佢洗埋牙~~原本洗牙要$750但係醫生好好人只係收咗我200
指定同番茄做desex嘅醫生係要診症完夜診至開始做手術, 所以迫於無耐嗰晚九點要帶番茄去到...然後第二朝至可以接佢走。醫生話手術時間大約係45分鐘, 我要醫生完成手術打電話比我~~ 點知.....嗰晚4點姑娘至打比我話番茄開始醒返
等我擔心咗成晚添～～
第二朝一早就去接返番茄, 當我一見到番茄嘅時候我已經好放心!! 因為姑娘比佢個傷口我睇, 我見到個傷口好細比我想像中好得多~~ 返到屋企佢除咗係咁瞓之外, 都冇特別嘅唔舒服~~肯飲水, 肯食野同埋肯去廁所～～～
到咗第二日已經好似完全冇事一樣～～
番茄第一日嘅傷口, 醫生真係好手勢
返到屋企, 我見到番茄好累...所以我就幫佢除咗個頭罩....睇住佢比佢瞓一陣~~佢個樣真係陰公到呢.............
番茄做完手術嘅第一餐...羊排
多謝Kit送嘅頭罩..比起膠嘅嗰個番茄戴咗舒服好多
陰公豬 , 要休息幾天才可出關去玩 .
回覆刪除個粉紅頭罩同張床好親好靚添 .
[版主回覆09/07/2010 16:40:00]佢而家差唔多好返，已經10日喇 ~~
回覆刪除因乜解究家嫂你咁似嗰啲還押犯人, 等斬頭嗰啲
[版主回覆09/07/2010 16:41:00]連個神情都似喎，真係幾陰公都有～～哈哈
好掛住你ar 番茄妹妹, 陰公豬lor . 你個醫生好好手勢wor , 個傷口好細, 過一排就靚返晒ka na ...
回覆刪除[版主回覆09/07/2010 16:42:00]番茄 : 個醫生真係好好手勢㗎，多謝e e關心~~
麥皮: 番茄,番茄, 你放心ar . 哩排我幫你岌實哥哥, 佢好聽話ar , 冇偷偷地識女仔..
回覆刪除[版主回覆09/07/2010 16:46:00]番茄: 麥皮, 咁靠哂你喇