城門水塘

琴日至去完彭福，今日又去城門水塘～～

因為番茄嘅至愛奶茶先生將會榮休兩星期，其實前後都有三個星期㗎~~ 所以今日係最後一激。點解要行山呢？因為想比佢哋行下山吸收下新鮮空氣, 同感受下大自然嘛～～

今次行嘅路同第一次去嘅係原全唔同, 今次條路比較難行，仲要上樓梯添!! 番茄, 薯仔上到氣都咳。上次條路我見唔到有馬騮，不過今日就比我哋見到三隻~~ 薯仔仲胡同吠隻馬騮大膽呀!! 嚇到我即刻抱起佢

奶茶仔, 我祝你手術成功!! 早日康復

奶茶仔...你要叻仔D呀!! 番茄會等你復出

番茄: 我今日係唔係好醒神呢

薯仔 : 車!! 好叻咩!! 我今日夠好英俊咯

麥皮 ; 見到你副尊容我真係隔夜飯都嘔埋出嚟呀

薯仔 : 肥妹, 你好野!!! 你貢肥就咪學人跑啦

麥皮 : 傻仔, 跑得快過你呀!!!!!

好多人影呢棵樹..唔知影D咩呢??

薯仔吠爆佢嘅馬騮

咁遠嚟到，影番張合照先

彭福

好耐冇同番茄, 薯仔去喪跑...今日就去咗彭福比佢哋跑番夠本。要喪跑就緊係要有對手啦，今日嘅對手係Fergie同Bailey。

可能太耐冇跑佢哋好開心呀，不過就好快冇哂力囉～～

彭福好似有D唔同咗咁，多咗個大草地嗰日人同狗都唔係太多喎..正!!

Fergie例牌咬住個波波擺Post

睇吓Bailey跑得幾開心

兩兄妹成日細蝦大

餵食妹!!

餵食妹都有文靜嘅一面

越大越靚女嘅Bailey小姐

一睇就知兩兄妹啦，眼神一致

番茄今日好開心呀

個傻仔有得跑就開心㗎喇

細佬都有斯文成熟嘅一面㗎

夜景 (2)

我又影夜景喇...其實都好想喺度多謝下Tom哥哥教我影D咁靚咁有水準嘅夜景。

Thank you你嘅耐心指導我終於學有所成喇

太平山下嘅夜景真係好靚，雖然已經係夜晚8點，但係影夜景個位D人真係多到你唔信 係咩國籍嘅人都有～～好好彩比我哋搵到個位，係咁影死都唔行開，一行開就會冇咗個位㗎喇，哈哈。

我哋見到好多人喺嗰度擺擋做生意幫人影相，我覺得好容易咁喎，於是我就好有誠意叫Tom哥哥做我Model..唔該哂，原來要影到靚嘅夜景加人像係唔易㗎...頭嗰幾張完全失敗後面黑哂個人好光，左較右較最後終於成功!! 但係其實我仲未好滿意所以冇Post出嚟，都係留比自己欣賞會比較好D...等我影到成功之後再Post!!

我用咗唔同模式去影

呢幅加咗藍色, 我覺得好靚呀

呢幅雖然係黑白，我都覺得靚㗎

係唔係影得架纜車好靚呢