聚會

星期六約咗成班大小朋友...7人7狗....嚟屋企大食會

今次係食西餐..有紅酒,  有頭盤, 有湯, 有主菜同甜品...Bryan訂咗12支紅酒加一支佢私人珍藏嘅梅酒....原意係打算嗰晚飲哂佢...點之.............最後係淨咗5支紅酒+半支梅酒

等我介紹下今晚嘅菜式先, Cecile喺citysuper買咗麵包, 鴨肝醬同火腿..正!! 再嚟就係好肥美嘅生蠔, 跟住就係龍蝦海鮮湯, 嗰湯底係用咗3罐嘅罐頭龍蝦湯, 入面冇咩料但係就有好濃嘅龍蝦味. 跟住就將一斤嘅新鮮花甲, 一斤中蝦, 兩pack帶子, 磨菇, 洋蔥加落個湯度, 最後加少少牛油..完成!! 跟住就係法國麵包蟹隻蟹..係郁㗎仲好生猛喺九龍成街市買...有一斤半~~ 主菜係牛扒, 我哋今次就全部都係食西冷, 最後嘅甜品係日本空運到港嘅芝麻雪糕


好開心, 好好玩, 好好笑嘅一次聚會...我哋仲唱卡拉OK添...真係個個都 high 到不得了,
至於D小朋友..其實佢哋玩過D咩呢點解第二日佢哋可以瞓足一日嘅呢


好開心嘅一晚, 唔該哂Bryan幫今次嘅聚會訂酒, 麻煩哂Cecile好勇敢咁徹底殺死咗隻麵包蟹...仲要多謝Kit影咗咁多相, 我影咗好少相所以要借嘅你嘅相嚟寫呢篇Blog. 多謝老爺第二朝要返早都同我哋一齊玩到咁夜同幫手切隻巨蟹, 好感動呀~~ Niza ba..好感激你嘅歌聲, 你嘅投入, 你嘅忘我另當晚嘅氣氛, 我哋嘅情緒, 進入忘我嘅境界最後當然要唔該哂妹妹嘅幫忙啦


好好玩..下次再玩過!!

酒嘅陣容頂盛

呢支係Bryan, Cecile贊助嘅..好味!! 清甜同好香梅味, 酒味亦唔太濃

呢支係我自己浸嘅梅酒

超大隻麵包蟹

手掌咁大嘅美國生蠔, 仲有法國蠔~~~

西冷，肉汁濃厚，唔錯~~~

唔該哂 Kit 提供咗咁多靚相比我寫Blog