就係超級無敵百厭到暈嘅薯仔細佬!!
令到本來平平淡淡嘅一年有咗幾大嘅改變。其實多一個成員呢個決定並唔係一時衝動，不過當初只係諗住等番茄多一個妹妹而唔係細佬
2010年八月我第一次見到你...你嘅純真，你嘅敦厚蒙蔽咗我應有嘅理智
比起當年嘅番茄你實在太純品喇!!
最吸引我嘅係你頭髮嘅顏色，實在太英俊喇～～
你嘅髮型更加顛倒眾生
比起番茄細個嗰時.....
就係因為種種嘅原因開始咗我哋之間嘅親密關係.....................
可惜係個惡夢嘅開始，原來當日純品嘅你竟然係一隻魔鬼
比起已經亭亭玉立斯斯文文嘅番茄.....
你簡直就係魔鬼嘅化身.....
最令我喜出望外嘅原本諗住以你BB時候嘅體形，我以為可以將細小嘅你放係袋裡面周圍去.........
點知比起差唔多兩歲嘅番茄還要大.........
可以用高頭大馬嚟形容6個半月嘅你
細佬我講笑咋～～唔好嬲我喎
其實你開朗聰明嘅性格喺呢短短3個半月裡面帶咗好多歡樂比我同番茄～～ 我仲等緊你快高長大㗎!!! 大D啦~~大D啦~~我好想要一隻Mini最後總結係2010年係開心嘅一年，因為唔開心嘅時候只要見到番茄同薯仔就咩都唔記得哂，亦冇時間再諗落去～～ 番茄, 薯仔... I Love You
開心嘅一年...亦都因為有一班本來素未謀面喺Blog識嘅朋友，由最初只係為咗身邊嘅小朋友而聚埋一齊，到咗今日我哋已經係會一齊食飯, 一齊Shopping, 甚至慶祝大家生日嘅好朋友。
多謝你哋喺我有時同時應付唔到番茄加埋薯仔嘅時候伸出援手，好感激你哋
所以 2011 年要比 2010 更加開心先啱
回覆刪除Happy New Year ！
[版主回覆01/01/2011 14:05:00]Sure la..Happy New Year !!
細佬嬲死你~ 係咁話佢係魔鬼
回覆刪除不過點都好~ 番茄薯仔我都好愛你哋架
[版主回覆01/03/2011 11:59:00]番茄 : 奶奶，我愛你比愛老爺多 ，唔好再呷醋喇。新年嘅時候你喺我心目中係女神嚟㗎 冇你我就冇零食，冇你我就冇得同Honey一齊玩咬尿片.. I Love You
薯仔：未來外母我都好愛你㗎
不過癲倒眾生嘅髮型幾時會再現江湖 ???
回覆刪除[版主回覆01/03/2011 11:53:00]薯仔： 唔會再有機會見到!! 我本身嘅型仔唔會再比你哋刻意破壞
回覆刪除又真係好令人心動... .. 睇下佢對眼仔,, 叫緊你帶佢返屋企...
之但係.. 哩個...哩個..你睇下佢丫, 眯晒眼仔.. 幾咁迷人...
[版主回覆01/03/2011 11:51:00]我就係咁比佢呃咗
至少佢Honey覺得佢呢個最性感
回覆刪除薯仔: 媽媽我緊係要高大d 啦.. 唔係點保護你同家姐wor ...
[版主回覆01/03/2011 12:00:00]薯仔, 咁你要再高大D至得喇
" 2010年八月我第一次見到你...你嘅純真，你嘅敦厚蒙蔽咗我應有嘅理智"
回覆刪除你既遭遇同我一樣~~唯一唔同係，我o個隻係女仔，佢仲係細細粒，同埋冇薯仔呢個咁瀟灑既髮型
BTW! 我都有隻狗叫薯仔~
Nice to meet you!!
[版主回覆01/03/2011 16:44:00]薯仔呢個咁瀟灑既髮型可一不可再，係限量板嚟㗎 女仔好乖㗎，應該好我嘅薯仔好多好多
薯仔, 你個名好有親切感 Nice to Meet you too!!