未正式入迪士尼之前有條小街兩邊有好多舖頭, 都唔係人哋講得咁差嗟, 好靚丫
...仲有卡通人物影相添，最開心係可以同到米奇影相呀
影相嘅時候會有D工作人員都幫你影，然後會叫你買番D相。最後我都買咗一張，不過有D後悔囉，因為我發覺我部機影得靚過佢哋
。行完兩邊嘅舖頭就正式入迪士尼嘅範圍。入到去第一個反應就係.........嘩! 真係好失望喎, 唔靚嘅...... 出面靚好多!! 同埋好有壓迫感囉
...最慘係除咗同任何卡通人物影相要排隊之外，咩都要排隊，係我生平最怕嘅事...所以我從來都唔飲茶
。玩遊戲要排隊，所以我冇玩! 搭船又要排隊，所以我都冇搭! 我淨係睇咗場都幾好睇嘅3D電影，不過都係要排隊，真係企到腳都軟埋
～～ 好彩今次去迪士尼嘅目的係影相嗟，D相都影得幾靚，唔錯(自己讚自己)我哋1點去到大約6點就走喇，由於實在太攰嘅原故所以冇繼續留低睇煙花。唯有係....迪士尼有緣再見啦～～
迪士尼我嚟喇
沿路嘅小檔，賣嘅野都係同舖頭裡面賣嘅差唔多
我好鍾意呢D卡通人物，就算入去只係影下佢哋已經好開心㗎喇
Yeah~~米奇呀!!
米奇餅唔知好唔好食嘅呢
樹屋裡面都係D奇奇怪怪嘅野，不過都幾得意丫
我同卡通人物嘅合照
嘿~嘿~到我嘅沙龍時間喇!!
開幕冇耐我就去過, 嗰陣又新屎坑啦, 自由人又勁勁勁多.. 跟本入去最主要做ge 係排隊....
回覆刪除[版主回覆03/14/2011 09:50:00]想像到啦～～真係勁冇癮呀，最衰係我本身好怕排隊等，所以咪覺得好辛苦囉
我都無去過~ 因為我主題人物又唔係特別喜愛... 喺日本去過一次覺得麻麻地
回覆刪除同埋排隊真係幾辛苦... 我寧願去海浪公園玩機動遊戲仲開心啲....
[版主回覆03/15/2011 09:29:00]日本嗰個我都去過，比起香港已經好..好多倍
回覆刪除影到好似 Post Card
[版主回覆03/19/2011 10:07:00]吓～～你真定假呀，又似POSTCARD？
回覆刪除鏡頭魔力、包括呢一張 ~ 正呀
[版主回覆03/19/2011 18:32:00]多謝!