無聊的一天

7月1日假期,今日無咩野好做, 好熱呀~~~~又唔願出街..於是就同番茄無無聊聊咁過左大半日, 我就上網番茄就係我隔離覺覺豬~~係咁訓~訓~訓~..都訓左成半日!!我琴日至發覺原來番茄咁鍾意訓覺..嘻嘻

唔知點解每次佢訓覺我就好鍾意檢察下佢D手手腳腳,耳仔,眼仔同埋皮膚..哈哈..因為通常呢個時候佢都會任搞唔嬲.. 搞醒左添…影番張相先~~哎呀~~衰女包發爛詐喎..我有相為證架!!唉..唔好嬲啦~~最多帶你落去行街街喇!! 今次係第二次帶番茄行街街佢都仲係驚驚青青咁, 但係一話去街街就即刻跑去門口…仲奇怪既就係佢唔會係街度便便, 唔知係唔係太緊張去唔到呢?? 仲有帶狗狗去街街會唔會有咩方法令佢係你既左邊或者右邊行呢?個衰女包左邊行兩步右邊又行兩步, 差d kick屎我,..我發覺係九龍區真係無咩地方可以帶狗狗去玩..最近既地方都係pet max..不過九龍灣其實都好遠…打開本關於貴婦狗既書, 入面講可以帶狗狗去玩既地方包括公園全部都係新界區~~新界區真係多地方比狗狗玩!!

講住咁多先, 比D罪證人地睇下…

 

番茄 : 好衰架~~~搞醒人~~

 

拿~~拿~~拿~~, 跟住就係發爛詐罪證喇

番茄 : 都話左人地剷左毛毛唔上鏡咯!!!! 比你POST左出去以後仲邊庶有人叫我做靚女番茄喎?? 叫左你唔好影..仲影????? 等我遮住個鏡頭先~~ 

 

 

 

 

第一次行街街仲羅埋身份證添

琴晚第一次帶番茄落街街，佢好開心呀～初初唔肯行喎坐喺條街度，你話佢係唔係搞笑，跟住周圍望，坐左一陣就肯行叻，仲行得好開心添...佢對咩都好好奇，人啦，車啦，好似鄉下妹出城咁，比佢笑鬼屎...不過原來番茄仲好鍾意小朋友架，可能佢未見過小朋友啦，佢竟然望住個小朋友望到唔肯走～～行左大約半個鐘，我諗佢都好累喇就要我抱..其實初初我都唔肯定究竟個衰女包鍾唔鍾意去街街呢，不過我今朝證實左原來佢好鬼鍾意，因為我今朝羅起條狗帶同佢講街街好唔好，佢即刻9秒9行去門口..嘻嘻~~曾經睇過一啲關於狗狗既書講如果每日都帶狗狗散步對佢哋既身心成長都會好好，我諗都會係～～

今日好開心呀～～話說琴日同番茄登記申請智能身份證，今日朝早就收到官方既表格，一小時之後就成功申請，取證～～哈哈

番茄張智能身份證

 

p.s.喺度要特別謝鳴MIFFY媽咪，番茄以後唔洗驚警察叔叔叻~~

 

6月27日

6月27日，係我同番茄過既第一個生日，以前細個特別覺得生日係一個大日子..不過越大個就越冇左呢種感覺喎..今年收左三份生日禮物，第一份就係電子相架，好鍾意呀～入面全部都係番茄D相，第二份就係一樽好香既香薰，至於第三份就係相機一部不過今年最特別既都係我終於同番茄影左我哋既第一張合照喇，仲有就係番茄識左佢人生既第一個朋友仔，就係一隻16磅重既史立沙..好肥~好大隻哦~~我即情覺得番茄好似小人國裡面D狗狗咁呀

佢就係番茄既第一個朋友仔JOYCE喇~~

番茄和我的約定

呢十條都係番茄同我既約定

1.在你把我帶回家之前,請記得,我的壽命約有10~15年;你的離棄,會是我最大的痛苦.
2.請給我一點時間,讓我了解對我的要求是什麼.
3.信賴我--那對我非常重要.
4.請別對我生氣太久,也別把我關起來當作是懲罰.
你有你的工作,你的娛樂,你的朋友.但你是我的僅有.
5.請偶而對我說說話,縱使我不懂你說的內容,
但我聽的懂,那是你的聲音在陪伴我.
6.你要知道無論你如何對待我,我將永遠不會忘記.
7.當你打我時請記得,我其實擁有可以咬碎你手骨的尖銳牙齒,我只是選擇不咬.
8.當你因為責罵我的不合作、固執或懶惰之前,請你想想, 是否有什麼正困擾者我.或許我沒獲得我應有的食物,我已經很久沒在溫暖的陽光下奔跑,又或者我的心臟已經太弱及太老.
9.在我年老時請好好照顧我.因為你也是會變老的.
10.當我要捱過最辛苦的歷程時,
請千萬不要說﹕「我不忍心看他。」或者「讓我不在場時才發生。」.
只要有你和我在一起,
所有的事都會變得簡單容易接受.
請你永遠不要忘記,
我愛你.

 

心絲虫

心絲虫(Heartworm)是寄居於受感染狗隻的心臟和肺動脈的寄生蟲，成虫長約14吋。心絲虫在管狀動脈處浮游，在那裡依靠血液流動孕育滋長。在染有心絲虫的肺動脈裡會有血塊凝結，當有足夠心絲虫形成，會使心臟難於泵血。

心絲虫的形成
一般犬心絲虫會由右心室開始發展，當約有50隻心絲虫形成後，便會擠滿心室，當心臟超過100隻心絲虫形成後，令心臟難於泵血，大多數的狗隻都會死亡。

治療方法
犬心絲蟲可通過血液測試檢定，一旦發現有蟲，則餵食肉或肝臟，並注射生理食鹽溶液，強心劑和維他命C等，使犬隻恢復健康，再以驅蟲劑驅除絲蟲。接觸驅蟲劑的絲蟲會由右心室流進肺動脈，死蟲會附在血管壁上機質化後被吸收。但若有過多死蟲會阻塞肺動脈引起肺栓塞，令犬隻死亡，因此如果發現有很多心絲蟲寄生在體內，則須要分階段使用驅蟲劑。另外，也可進行心臟手術把心絲蟲取出。

預防
由於犬心絲蟲是經由蚊子在患病犬與健康犬隻叮咬繼而傳播，潛伏期長達六個月，因此犬隻應在六個月大前開始服用預防心絲蟲的藥物，在六個月大後進行半年一次的定期血液測試，一旦發現有蟲即實施驅蟲治療。 另外，也可在犬舍的周圍安裝紗窗、在犬隻身上噴上殺蟲劑等以防蚊蟲咬傷

我的珍藏品-1

唔知點解我對hello kitty特別情有獨鍾 由其是d迷你型既kitty公仔..所以經過咁多年既收藏, 實在越黎越多...唔知有無人好似我咁既呢?

係唔係好靚呢?

好可愛呀~~

陣容頂盛呀~~

試食新晚餐

琴晚整左個新菜色比番茄食,就係將雞胸,西蘭花用滾水煮熟再切粒然後+狗糧,發覺佢超鍾意食, 雖然有d人話狗狗係成犬之前最好淨係比乾糧佢食, 不過見佢食得咁開心間中一次半次無所為啦.

講起糧,我開始幫番茄轉糧..由Roxxx Canxxx 轉 Orixxx, 聽講呢隻糧幾好,係無穀物配方. 我而家已經無浸林d糧比佢食, 可能個衰女包好鬼鍾意咬野, 所以佢比較鍾意食無浸過既糧..同埋我開始比佢食魚油丸,聽講食左魚油丸d毛毛會密d,多d同最梗要係皮膚會好好多.

今日同Miffy媽咪傾開原來佢都有打算帶Miffy去讀幼犬訓練課程, 我都有咁既稔法. 好想番茄可以過多d群體生活…今日睇返番茄細個既樣, 發覺原來佢已經越黎越大個女喇.. 所以都應該係時候開始比佢識多d朋友仔…

番茄 : 咦~~唔好比人地bb既相人睇啦~~個樣咁殊~~

養育愛犬行事曆

養育愛犬行事曆

0 - 2 weeks = 新生兒期

2 – 4 weeks = 轉換期 (五官開始有感覺 )

4 – 6 weeks = 銘印期 (即是新生兒對於眼睛所見事物產生強烈印象的時期)

6 – 8 weeks = 銘印期(對周遭事物開始感興趣了)(7-10週為最佳接養期,較易適應人類社會.) (相等於人類4歲)(8-9週為第一次疫苗注射)

8 – 10 weeks = 社會化期(對人開始感興趣的時期 (開始習慣本來害怕的聲音)

10 – 12 weeks = 社會化期結束 (12-13週為第2次疫苗注射)(相當於人類6歲)

12 – 14 weeks = (開始萌生支配性, 也察覺到上下階級的關係)(可以在室內學習散步的技巧)

14 – 16 weeks = (16-17週第3次疫苗注射)

16-20 weeks = 乳齒轉換成恒齒的時期

20 - 24 weeks = 完成劃分周遭群眾的階級高低 (開始會騎在動物背上,想做出表示強勢的態度. (相等於人類15歲)

1 - 2 years = 青年期 (相等於人類20歲) (小心假性懷孕=狗狗想像自己懷孕的意思,會有攻擊飼主的反應) (每年生日為狗狗注射加強疫苗)

2 - 3 years = (相等於人類24歲) (有發情期的情況) (可接受結紮/去勢手術)

3 - 4 years = 壯年期 (小心會變成肥胖的狗狗) (可接受結紮DESEX手術)

4 - 6 years = 中高年期 (易患生殖器官疾病)

6 - 8 years = 相等於人類的50歲

8 – 11 years = 老年期(患癌症的機會漸增加, 10歲以上的狗狗有45%死於癌症) (要小心飲食,溫度,家具的安排,因年老的狗需要較多體諒及照顧)

番茄第一件首飾

點睇都唔覺得番茄似一個女仔, 可能佢實在太百厭無時停~~再加上佢瀟灑俊朗既外型, 豪邁既性格就更加似一個男仔 …咁點算呢? 如果比條裙仔佢著只要有少少花邊佢就會係咁咬咬咬~~有辦法!! 不如整條頸鍊比佢帶..咁會唔會好少少呢? 結果係..好好多.......

 

由於D珠珠好大粒,番茄帶左好型女

 

 

第3針+瘋狗証針

星期六個日帶番茄去vet打第3針同瘋狗証針,去到vet好多人,磅重先..2.1kg. 等左成個鐘終於到我喇~~ 好開心呀.. 醫生話番茄d皮膚好番晒..打完針等多一星期就可以帶番茄行街街 lu. 通常d狗狗打完針都會好疲倦但係個衰女包就鬼打都無咁精神. 係Carol姐姐個blog見到佢幫番茄剪毛毛個時影得d相好靚喎.. 個衰女包都未試過坐到咁定定比我影,post下先..

睇下Carol姐姐幫番茄整得張相既靚~~

 

番茄 : 無心機呀~~剪晒人地留左4個月既毛毛

 

p.s. 非常之多謝Carol姐姐幫番茄剪得咁靚女

 

 

 

 

 

Tomato Slide Show - Updated on 22 June 2009

番茄張新沙發

幫番茄親自設計既沙發終於完成!! 其實唔算係我既設計,我只係抄一張意大利狗狗沙發, 將佢原本既尺寸改左同改到可以貯物. 咁番茄就可以係呢張迷沙發度跳上跳落, 同將佢d靚靚衫擺晒落去

 

改裝前 - 番茄 : 嘩~~媽媽~~牧羊狗狗坐架, 好大張呀!! 又擺唔到我D靚靚衫

 

改裝後 - 媽媽 : 番茄, 好D未呀?

 

番茄 : 掂晒喇~~

 

 

 

 

 

 

剷毛前後

唔知點解個衰女包剷毛之後好似敏感左好多, 有時一摸佢就即刻成個跳起跟住彈開... 係唔係正常既呢? 剷毛前佢已經跑得好快,剷毛後就跑得更加快跳得更加高, 唔知係唔係無晒D毛毛所以特別輕盈呢..嘻嘻..

 

剷毛前 (番茄: 媽媽你睇下我剷毛之前幾靚女)

 

剷毛後 (番茄 : 媽媽你睇下你攪到我而家成個男仔咁)

 

 

第一次

我第一次寫blog, 原因係為左番茄囉~~ 因為我好想係度識多d養poodle 既朋友,咁第時番茄就會有多d朋友仔倍佢玩

首先我介紹下番茄先, 佢係一隻奶茶色超白厭既toy poodle, 女仔..就快5個月喇..呢個星期六打第3針, 因為上星期佢病左醫生話要遲一星期至打得喎, 講起睇醫生就慘喇, 由我接番茄返黎到而家, 佢睇醫生既錢夠我買一個LV銀包 不過只要我見到佢越黎越健康, 開開心心咁生活我已經覺得係好滿足同值得...

噙日搵左Carol姐姐同番茄沖涼剷毛毛, 番茄既第一次就係咁比左Carol姐姐 lu...Carol姐姐好好心機咁幫番茄剪, 個衰女包就係咁郁.. 激屎人

講住咁多先~~睇相~~

哎~~比媽媽攪成咁~~~~

嬲爆~~~~