琴晚第一次帶番茄落街街，佢好開心呀～初初唔肯行喎坐喺條街度，你話佢係唔係搞笑
，跟住周圍望，坐左一陣就肯行叻，仲行得好開心添...佢對咩都好好奇，人啦，車啦，好似鄉下妹出城咁，比佢笑鬼屎
...不過原來番茄仲好鍾意小朋友架，可能佢未見過小朋友啦，佢竟然望住個小朋友望到唔肯走～～行左大約半個鐘，我諗佢都好累喇就要我抱..其實初初我都唔肯定究竟個衰女包鍾唔鍾意去街街呢，不過我今朝證實左原來佢好鬼鍾意，因為我今朝羅起條狗帶同佢講街街好唔好，佢即刻9秒9行去門口..嘻嘻~~曾經睇過一啲關於狗狗既書講如果每日都帶狗狗散步對佢哋既身心成長都會好好，我諗都會係～～
今日好開心呀～～話說琴日同番茄登記申請智能身份證，今日朝早就收到官方既表格，一小時之後就成功申請，取證～～哈哈
番茄張智能身份證
p.s.喺度要特別謝鳴MIFFY媽咪，番茄以後唔洗驚警察叔叔叻~~
奶茶第一次落街咗個半個鐘都行唔到一百米
回覆刪除所以蕃茄都叻女架啦... 我個無膽仔好無用
[版主回覆07/02/2009 11:22:00]嘻嘻~~番茄都係落街大約半個鐘都行唔到一百米就要抱, 不過佢係屋企就百厭到飛起~~奶茶好得意呀~~佢幾大呀?
奶茶宜家九個月架啦.... 我好少抱佢哋行... 因為唔想抱慣晒.... 佢哋未打晒針時就抱過落街行...
回覆刪除麥皮喺屋企都係大晒嗰個嚟架.... 不過出到街又係驚驚青青咁
[版主回覆07/02/2009 11:55:00]係啦~~番茄又係..d車快少少行過又驚..成班人行過又驚..淨係唔驚小朋友..正一無膽女
點樣去整架?我都想幫仔女整呀.
回覆刪除[版主回覆10/12/2009 11:23:00]係人哋幫我整架，我都覺得好得意呀~~