彭福公園

今朝起身發覺天氣好好..完全唔似一號風球仲話下午會掛三號,聽講打得成八號添無無聊聊咁睇下電視同番茄玩吓..到咗大約三點,心諗都係趁好天氣帶番茄去玩吓先..我一個星期淨係得星期六同星期日有時間帶番茄去玩咋~~於是我哋一行三人咁去左彭福公園,可能因為打風所以比較少人同狗..個度實在係一個同狗狗去既好地方,好大,有草地,環境都好乾淨..由落車我已經開始放番茄落地行,首先上一條天橋..番茄第一次上樓梯個樣好搞笑一步一步咁上,超慢!! 有D吃力..好似D老人家上樓梯咁樣跟住就行一段平路再落樓梯.番茄初初唔係好敢落架.後尾就一步一步咁落...係超超慢!!!再跟住落嚟就係行隧道,沿路都好少狗狗..行得都好舒服.

終於到喇~~見到冇咩狗狗喎咪放繩囉..佢幾鬼醒呀係咁死跟住我哋行喎行下玩下..去到草地再玩左一陣就開始落雨,都唔係好大雨再玩陣先..越嚟越大雨喇..番茄我哋都係去涼亭避避雨先,去到涼亭發覺原來所有狗狗都已經去左個度避雨,有大狗有細狗我原本以為番茄實會縮埋一邊好驚,點知好奇怪佢竟然冇要我抱,好定咁坐喺度..坐坐下仲走埋去D狗狗度玩添~~玩到幾鬼開心呀!!

就係咁喺涼亭玩左一陣,見雨細左於是我哋出去行多一陣就走喇..由入去公園既時候到走都係比佢放繩行..於是我哋就諗住試吓放繩比佢行返去先..得喎!!同之前一樣..死跟!! 三個平排咁行佢就行喺中間,醒!!! 越嚟越大預雨喇..番茄行快D至得喇!!我哋行快D佢又行快D..上完樓梯落樓梯,濕哂喇~~還掂諗住返去同佢沖涼唔緊要啦~~好彩有帶毛巾,上到車就即刻同佢抹乾身,抹完既時候番茄原來已經訓著左

代續~~

番茄 : 嘩~~呢度好正呀!!

番茄 : 唔係好大雨嗟~~玩多陣啦!!!

番茄 : 點解放我上張檯?? 我要落地玩~~

媽媽 : 得唔係唔得...影張相先啦!!

番茄 : 又好!!! 咁快D啦~~~