話說琴日妹妹下午既時候打電話比我話會遲D返,平時佢會早過我返到屋企..於是放工番到屋企門口準備開門……
咦?? 點解個衰女包唔吠既?唔通我個妹返左?無理由喎..唔理咁多開門先..一開門既情景真係嚇我一跳........
番茄竟然好開心咁出黎歡迎我喎~~~~ 當時我一路除鞋一路諗..哎~~死梗啦, 一定係成屋屎屎尿尿喇..其實到琴日之前我都仲未肯定番茄夠竟識得自己去廁所未,因為每次我都係比佢出黎玩到咁上下就抱返佢入籠要佢屙左至比佢出黎,所以每次一放佢入去佢就好快第一時間屙…於是我心諗佢應該仲未識去廁所..今次肯定好大件事…不過總算好彩既係見到番茄仍然生存..可能係佢出緊牙仔既關係,佢真係勁鍾意咬野..由其是一條條包住膠既物體..咁你地話有咩係一條條包住膠????咪就係電線囉!!!!!!!!! 10個鍾頭無人係屋企,全屋既電線可以比佢任咬..咁你地話見到佢仍然生存係唔係好好彩既一件事??
再講番轉頭, 咁我除左鞋之後就第一時間入屋..唔理得咁多抱佢入籠諗住清潔下佢D便便先... 一抱佢入籠佢就第一時間辦佢既大事... 唔理喇~~檢查全屋一次先...竟然好乾淨..無理由喎, 再CHECK一次先..都係好乾淨喎, CHECK下個籠先..發覺有幾督尿尿..由於太驚既原故之前抱佢入籠無留意到..太開心喇..番茄終於識去廁所喇~~係時候CHECK下屋入面既其他野..CHECK到我間房既時候發覺插係電腦用黎叉電既CABLE竟然比佢咬到見到入面D銅線..仲咬斷左添.....望下隔離係另一條電話叉電既電線亦都比佢咬到無左D膠~~慶幸其他既電線都未開始咬~
總算鬆一口氣..我係度諗...番茄已經識去廁所,今後既日子係唔係仲應該困籠呢? 加個圍欄比佢足夠未呢? 有咩辦法可以令佢唔再咬電線呢?好似有一隻叫做 ”狗狗禁區”既噴濟..唔知噴落D電線度得唔得既呢?你地有無咩好辦法可以教下我呀?
不過都唔好諗得太遠..我暫時會開始用圍欄加大佢既活動範圍先....
番茄 : (得戚樣)媽媽..我今日自己一個人係屋企好HAPPY呀~~~~
罪證
罪證 (近鏡)
p.s. 唔記得左講番茄點出黎, 係我唔記得lock籠個度門~~~
你可以用圍欄加大個area先，觀察多排佢真係識啦，咁就有人果陣放佢出來觀察佢識唔識去，通常放出來玩就會開心過頭"唔記得"左去toilet，或忘記左個toilet響邊... 如果都ok既話就可以free (茶茶依家free，不過有時唔知係發皮四定係"嚴"個toilet多尿... 就地痾 )
回覆刪除至於咬電線既問題... 收得埋既就收埋，收唔埋既就搵d嘢遮住 (要佢整唔走果件嘢，如果唔係就無用)，平時有人果陣放佢出來見佢咬就罵/打，教佢唔俾咬，有d人會搽d白花油響電線，話佢地就唔會咬喎，茶茶係用罵/打/搵嘢遮住既方法就攪掂
[版主回覆07/09/2009 14:13:00]好, 等我試下先, 唔該晒~~ 我都覺得琴日佢識去toilet係奇蹟
嗯... 我十分認同茶茶媽...
回覆刪除同埋你要戒唔好抱佢去廁所... 到咁上下你搵嘢食引佢自己行入去會好啲... 咁佢就知佢點行去
[版主回覆07/09/2009 14:15:00]佢琴日都識,即是話佢識點行去..問題係佢做唔做..好..等我嘗試下唔抱佢去toilet先
估唔到你竟然同我有同一遭遇.... 蕃茄點出嚟架???嗰次我淨係叉電器個線頭凹左咋... 同佢哋咬咗地布出嚟
回覆刪除有次奶茶喺我哋睇緊電視期間咬爛咗條天線....
好無奈... 佢又好鍾意啜我router 條天線
風筒嗰條已經咬開咗....
[版主回覆07/09/2009 14:09:00]係我唔記得 lock籠個度門~~~你有無辦法可以令佢哋唔再咬電線? 哎~~琴日至講完,就發生係我身上, 原來係見到佢個一刻真係好驚架...哈哈, 我真係明白晒你當時既心情..
重點係佢仲要搖住尾嚟歡迎你時你唔知好嬲定好笑
回覆刪除其實搽白花油係得架... 不過如果佢係會得過咗陣味再咬就要成日搽
其實我無特別用咩方法防犯... 又唔想揸嘢落電線度... 盡量收埋啲囉... 我見有人會買電線套一條管入晒啲電線.... 但奶皮爸話我咁樣太大工程 ...
最多見佢要咬時no 多幾次... 佢喺你面前就唔會咁做架啦...
不過見唔到就...........
[版主回覆07/09/2009 14:57:00]佢平時係我面前都唔會咁做 , 因為我一見到就係咁no.. 買電線套一條管入晒啲電線真係好大工程喎~~我屋企hifi 同電視 後面d電線 好 多, 茶白油 唔係辦法 .. 我諗都係唯有盡量遮住 d電線, 不過你都知 佢地好鬼醒架啦 , d好難發覺既野佢地都會發覺到 ..
可能茶茶返來我就教佢唔俾咬電線，細個易教啩，佢依家無困住架，我地返到屋企都無咬爛嘢
回覆刪除重點係佢仲要搖住尾嚟歡迎你時你唔知好嬲定好笑 ç 奶皮媽你完全講得岩呀
回覆刪除上次奶茶咬欄天線就係咁啱條天線要經佢哋圍欄入面牆角過.... 睇睇下電視突然無晒嘢睇... 我哋仲要以為機頂盒壞咗
回覆刪除但條天線一定要經嗰個位, 我哋唯有放埋唔用嘅細籠喺入面頂住個位唔俾佢哋埋牆角...
茶茶媽:
回覆刪除可能性格問題... 因為奶茶係一隻破壞力高嘅小朋友... 話過嘅都係會趁唔為意時破壞... 而麥皮就唔會咁頑皮... 一話完唔搞就真係唔搞
奶茶就好似一個趁爸爸媽媽唔喺屋企就為所欲為嘅小朋友, 麥皮就係會趁爸爸媽媽喺度要佢哋注意自己嘅小朋友(因為佢嗲好多)
[版主回覆07/09/2009 17:57:00]番茄既性格同奶茶一樣,好反叛, 破壞力好高, 知你唔留意佢既時候就會搞破壞
http://hk.myblog.yahoo.com/sunnydogtraining/article?mid=295 啱啱睇到... 分享下先
回覆刪除