彭福公園-(二)

去完彭福公園返到屋企番茄就繼續訓,訓左成個鐘佢至醒...咁我咪準備同佢洗白白囉~~入到廁所見到個浴缸靈機一觸決定放缸水比被番茄試吓游水放到一半,試吓先~佢隻腳仔就緊係掂唔到個浴缸底啦~於是再放多D放到最滿..都可以勉強掂到個底,不過只係啱啱掂到,我一直都係扶住佢不過D水越嚟越滿,佢開始有D驚喇~~我就慢慢帶佢去到浴缸既中間..放手~~ 一放手佢就亂"where"狂"where", 竟然"where where"吓變左狗仔式,仲游到拍拍聲D水潑到周圍都係..超搞笑不過沖埋個涼之後我就成身濕哂..

睇下個鐘原本已經8點,聽講話夜D會八號風球,於是就諗住去吉之島買完野食至返嚟餵番茄.....成日聽啤啤媽講10蚊店,順便去行下先~~我去個間係淨係得10蚊既野買,10蚊以上就冇..嘩~~~原來10蚊店D野真係好抵!!好多野買!!買吓~買吓~買左好多野不過都只係210蚊!!啤啤媽果然好介紹!!買完之後就去左吉之島supermarket買野返去食喇~~買左盒日本狗罐頭入面係牛肉混埋雞肉比番茄撈乾糧食,買左盒好大既魚生壽司,買左包有機芥蘭苗,仲買左3件"Tomato"蛋糕...2件芝士餅同1件栗子蛋糕今晚大家都有豐富既晚餐食喇~~

喺10蚊店買比番茄既玩具,量杯,毛巾,裝番茄D零食既盒仔同埋2本放佢D相既相部

好似好高級既日本狗罐頭只係$8.5

番茄既晚餐 : 狗罐頭少量,芥蘭苗+乾糧

我哋2個人既晚餐 : 大大盒壽司只係$108..超抵!!

我哋3個既甜品 :  長長個條就係番茄好鍾意食既芝士餅~~