琴日見番茄玩得咁開心於是今日再去PET MAX順便SHOPPING下先
~~今日我地一行5人,好熱鬧呀~~由於女人既天性就係貪靚, 所以今日就再買埋同琴日買既胸帶一套既拖帶喇..嘻嘻. 買左一個比較重既食物兜,因為番茄太百厭喇佢好鍾意羅個飯兜黎玩, 有時D野未食晒就玩, 於是D食物就倒到周圍都係
..仲買左一條頸帶添, 真係太靚叻..比佢平時帶..D閃石係分開買架,有好多款可以揀..
今日PET MAX好多人呀~~但係個度真係好大,所以番茄都可以C C 服服咁行街街
~~今日有好多人同番茄玩呀~~仲有個好好人既姐姐比野番茄食添,佢隻黑色POODLE狗狗係咁追住番茄玩..追到番茄有D驚..我都有D擔心架,想抱起個傻妹..但係個好好人既姐姐就話如果同佢玩既狗狗係無敵意既話就盡量由得佢地玩呀,追呀~~ 咁樣試多幾次佢至會識得同其他狗狗玩..個好好人既姐姐仲話如果而家佢一驚你就抱佢咁第時佢就會好難同其他狗狗相處到架喇...係唔係咁既呢?
今日番茄玩既野同琴日無咩分別不過佢就大膽左,無琴日咁驚青~~都係玩到好開心..玩到喘晒氣~~~哈哈…不過今日係番茄姨姨用佢部大機幫番茄影沙龍…勁呀~
甲蟲胸帶+拖帶
番茄個心形新飯兜
粉紫色閃石頸帶
嘩~ 條頸帶好閃令令呀~
回覆刪除[版主回覆07/07/2009 12:18:00]係PET MAX買架,你都買番條比茶茶~~有英文字毋閃石
我以前都有要奶茶長戴頸帶... 但後尾我同奶皮爸都覺得成日戴住佢唔舒服... 所以就剩係落街先戴lu....喺屋企無拘無束
回覆刪除個好好人姐姐講得啱呀~~~~ 佢驚吓驚吓先大架... 見多幾次就唔驚架喇... 宜家除非隻狗兇奶茶同甩繩大狗... 唔係都會俾奶茶去打招呼...
[版主回覆07/08/2009 14:29:00]我都覺得個好好人姐姐講得啱~~所以我而家都唔會亂咁抱 佢..
我都知帶頸帶唔舒服,但係我想 佢適應下先,初初個時係屋企都無帶架,但係去街一帶 佢就周身唔自然咁~~ 所以咪諗住等 佢帶一排習慣下先囉