今日天氣好差成朝都落梗雨,到左下午開始有番少少陽光..於是就同番茄去左PETMAX玩, 個度真係一個狗狗去既好地方, 可能落雨既關係PET MAX今日唔係好多人..入度去由PET PARADISE開始我就放番茄落地行, 仲係PET PARADISE買左條胸帶比番茄添..因為早幾日帶番茄落街發覺如果淨係用條頸帶會扯到佢行得好辛苦~~買左之後就即刻用..果然行得好好多喎~(好多謝奶皮媽同茶茶媽教我行街街既方法,洗得!!) 一路行..行到去CAFE個度,已經比出面既遊樂場吸引住~~不過我地都覺得應該比番茄適應下環境先, 入到CAFE買左少少野食就坐低..見到有幾隻狗狗係度跑黎跑去玩得好開心喎..幫番茄放繩先..嘻嘻..個八妹驚驚青青咁行下坐下,跟住我地坐左一陣就好興奮咁諗住行出去玩, 點之有個工作人員同我地講要先做會員..100蚊年費,每人20蚊入場費..但係做左會員就會送番5張20蚊COUPON可以當入場費用.. 於是我好快手咁填左張FORM做會員叻~~
番茄)))) 出得去玩喇!!!
番茄 : 我~跑~跑~跑~仲追你唔到~~~~~
番茄 : 媽媽~我要玩 “SIR”滑梯~~
番茄 : 我要同Snoopy影相~~
番茄 : 媽媽~好高呀~~~~~快手D影啦!!!
番茄 : 咦~~呢個叫迷宮呀?? 點樣行番出黎架?? 你地唔好dump低我啦~~
番茄 : 快D教我點出番黎呀)))))
番茄 : 呢度好好玩呀~~我聽日要再黎~~
上到車唔夠一分鐘個八妹仔已經去左搵周公叔叔..哈哈~~
我無出過去玩，成日都想知究竟有咩玩，無嘢玩就唔做會員... 可唔可以講下果度有d乜呀?
回覆刪除[版主回覆07/06/2009 13:53:00]哈哈...對我地黎講就真係無咩好玩, 個度最值得去既原因就係個地方好大, 環境好清潔同好安全, 咁D主人可以好放心咁放繩比D狗狗跑黎跑去...跑就係D狗狗係個度既最大樂趣 仲有個小型游泳池可以游水, 不過要比50蚊,有得沖涼同有個好大既吹風機比D狗狗吹乾個身~~
佢個樣真係好似好驚咁喎.... 哈哈 真係淒涼
回覆刪除佢咁企snoopy唔驚咩???因為我兩隻一驚高就向後"吞".... 會喺後面跌
[版主回覆07/06/2009 13:58:00]哈哈..其實我用左連環快拍..放手無扶住 佢既時間只係一秒~~
有咩行街街既方法呀?教下我呀番茄媽
回覆刪除[版主回覆07/06/2009 14:19:00]係VET度打完瘋狗針,要填張FORM,張FORM填完VET會係個度簽名, 簽完名張 FORM就係臨時狗牌, VET會張份表格SEND番去魚農處,大約1個月後就可以去VET度羅番個由魚農處發出既正式牌
啤啤媽抄低NOTES.. 我初初帶奶茶落街我係將條繩扯到最短(最短嘅意思係唔會扯到佢頸,但佢一行遠一步都會扯).... 喺我左邊腳.... 佢一路行一望我又無扯繩嘅就即刻獎嘢食同讚佢... 我睇書學架....
回覆刪除行多啲佢就唔使扯實都會喺我左腳邊... 反而奶皮爸帶佢行右邊會扯繩... 所以我要教育埋奶皮爸... 方法要統一..但記得唔好一時左一時右... 小朋友會好亂架... 出面正式training教heel就通常左邊... 以前我都係左右都有用過.... 但教咗左邊之後覺得多咗隻慣用手出嚟其實方便啲 <==奶皮媽教
試下用繩keep住俾佢行一邊，一路讚佢叻... 唔啱果邊就停，拉返去啱果邊... <=== 茶茶媽教架
抄低先... 唔該晒呀番茄媽
回覆刪除[版主回覆07/07/2009 13:12:00]啤啤媽))))) 你本NOTES就黎無位寫喇))))) 哈哈~~