南生圍

星期日又去咗南生圍玩，今次除咗奶茶同麥皮仲有3個有新朋友仔一齊去，就係BULKY，BOBO同BRANDY喇好好玩呀～～ 個個都玩到好開心, 行到腳都軟

我哋首先去草地玩，玩完就去咗樹林嗰邊行，行吓影吓相。跟住就行到樹林盡頭嘅士多坐低食吓野, 影吓合照..由於今次有廚技了得嘅3B媽同行，D小朋友真係大飽口福，3B媽整咗芝士牛肉丸比D小朋友食，食到個個 "lam lam" 俐，由其是最餵食嗰個番茄

3B媽仲送咗佢親手做嘅餅餅禮物包比番茄做生日禮物添，多謝哂你嘅心意!!

食完野我哋又行返去草地比佢哋嚟第二個ROUND嘅喪跑～唉!!!!! 出事喇，番茄隻咗眼又入咗條草～～好彩得都B媽華陀在世嘅醫術張番茄眼裡面條草兩吓手勢就整返出嚟...嘩～～勁呀!! 好彩得你，唔係又要比$460拎返條草出嚟，真係好感激你呀～～

今次影咗好多相，BULKY，BOBO同BRANDY都係POST王嚟架，由其是BOBO擺POST一流呀，仲要唔郁任影～BULKY就成日都擺D好威猛有型嘅POST，至於BRANDY就唔駛擺POST都一樣咁上鏡

喺到仲要多謝攝影大師TOM哥哥幫我哋影咗咁多沙龍合照, 辛苦哂你喇~~可惜芝士牛肉丸唔啱你食，唔係一定要番茄割愛半粒請你食

玩到6點幾我哋就行返出元朗市中心食飯，返都屋企已經10點幾，喺架車到番茄瞓到不醒人事

睇吓相先~~~~~~~~~~

動感沙龍篇

打~打~打~ 玩打交

打完就喪跑~~~

連最細嘅BRANDY都係咁，真係開心

睇番茄呢張相就知佢用極速喪跑

小朋友獨照沙龍篇

人見人愛嘅麥皮小姐

車見車唔載嘅奶茶先生，因為太嘈

英明神武嘅BULKY先生

好上鏡嘅BRANDY小弟弟

POST皇后BOBO小姐

最後出場嘅係冇時停嘅番茄小姐

小朋友合照沙龍篇

兄妹情深

搶我個波波未死過!!

手足情深

癡男怨女

大團圓結局影返張大合照先

我們的沙龍篇

B媽唔好意思呀，由於你哋一家D沙龍場面太溫馨喇，所以唔想張你哋個樣打格仔出場，希望你唔好介意~~

下次再玩過~~~~~~~~`