南生圍

星期日第一次去南生圍，好好玩呀～嗰度D景好靚，好多人去嗰度影相～影婚紗相嘅都好多～除咗影相靚之外，嗰度仲有個好大嘅草地～～番茄玩到不知嘅開心，係咁喪跑～～嗰度環境都好安全，又乾淨喎

嗰度其實係分咗兩邊，一邊草地，另一邊係行入樹林影相....行到樹林嘅盡頭有間士多，有炒粉麵食架～又可以影吓嗰度D人住嘅屋，好簡陋～～幾乎所有行到盡頭嘅人都會幫襯下呢間士多，HKD30蚊一碟炒粉麵絕對唔平架～～

行樹林沿路番茄都冇綁繩行，HAPPY死佢囉～行完樹林影完相我哋就行咗去草地嗰邊...番茄今次發達喇，一望無際嘅草地絕對可以盡情喪跑!!!

走嘅時候仲去埋敬輝農場食嗰度嘅山水豆腐花同煨番薯添~~ 好味呀!! 據我所知敬輝農場都好大好多地方行，不過嗰時已經5點幾喇，唯有下次先啦～

差唔多喺草地玩完走嘅時候，發覺番茄眼球中間有條大約1CM嘅草癡住咗，我無論用任何辦法都整唔返出嚟～到後未仲唔見咗添，點知到夜晚10點幾嘅時候條草又出現返!!! 又喺整唔到出嚟，甚至用水沖都唔得～我好擔心等到今日佢隻眼會發炎，於是帶咗佢去PETCENTRAL睇...好彩最後都比個架仔獸醫淨返出嚟，同埋好彩眼覺漠冇受傷~~ 不過條草就好貴喇，夜診診金HKD380連眼藥水仲話比咗10％ Discount我..總共收費HKD460

今日幫番茄影咗好多靚相呀，睇吓D相就知佢有幾開心

番茄今日心情超靚呀

微笑........

開心笑.........

大笑.........

笑到見牙唔見眼........

喺士多等開餐個開心樣

嗰度D居民住嘅屋

周圍都係樹

同埋有好多好多蒲公英

個蠱惑妹厘埋係樹後面以為我搵佢唔到!!

絕秘喪跑相曝光

睇嚟番茄真係好鍾意呢碌木

同奶茶一樣轉咗髮型嘅我同番茄好襯

敬輝農場裡面好好味嘅煨番薯

喺嗰度種嘅木瓜

仲有大樹波蘿