...深涌係喺榕樹澳再入嘅一個地方, 有一個好靚嘅超大草地...我同番茄去過咁多地方玩都未去個一個咁大咁靚草地嘅地方, 好正呀!!! 原來呢個草地原本計劃起高爾夫球場後來取消咗, 於是大草地就變成放狗嘅超級好地方, 附近仲有小河有D狗狗仲自己跳落去游水添... 我哋去到西沙路榕樹澳"龍樂村"士多, 呢度亦都係車可以去到嘅盡頭..停車場全日收費＄30蚊. 我哋見到一家人帶住4隻狗狗都係準備泊好車行入去於是我哋就JOIN埋佢哋一齊行.....
跟住落嚟就係要開始行入深涌大約要行1個鐘, 全程都係一條唔比車入都幾窄嘅單程路...好安全. 好好行~~ 可以放繩又唔怕有車, 又唔怕唔知走去邊搵唔番喎~~喺單程路下面有個石灘仲可以落去玩下水影下相添
行咗足足一個鐘去到嘅時候簡直眼前一亮呀～～嘩!!!! 好大好大個草地呀～～我估最少有10個錦田咁大應該唔止添呀～～
番茄一去到開心到不得了佢直情係忘形咁喪跑, 真係跑到氣咳呀!!!
我哋玩到5點就走喇..仲有15分鐘到停車場位置有個食野嘅地方我哋坐低食咗D野至走, 估唔到嗰度D野食都幾好味, 我哋食咗煎蠔餅同蝦球炒麵~~~
全程一個鐘都係行一條咁樣嘅單程路
差唔多到嘅時候會有個路牌話你知仲有四分一路程
個草地係唔係真係好大呢？好細粒嗰個咪係番茄囉
呢間士多除咗有小食之外, 門口仲有水喉可以幫狗仔沖下身~~不過間士多D野食超貴!!
士多出面有條鐵索橋不過我唔敢同番茄行
沿路風景都幾靚架~~全海景...
有花花
唔知係唔係走嘅時候太肚餓呢覺得D野好好味咁喎
介紹下番茄今次嘅沙龍拍當先~~佢叫炒飯!! 番茄好唔鍾易佢因為佢成日超住番茄
番茄嘅新朋友仔叫金寶佢好似澳門D跑狗...一D脂肪都冇，好型仔呀~~
沿路番茄都冇綁繩係咁行行到索哂氣, 好彩冇落雨又唔太熱~~
番茄今次真係跑到腳仔軟
佢跑到冇氣至肯坐定定同炒飯影下相~~
番茄 : 啤咩呀?? 你好樣衰呀!!!
番茄 : 我鍾意自己影!! 唔鍾意同炒飯影佢好醜樣呀~~~~~
同番茄影返張相先
同番茄影咗幾張自己覺得好靚嘅沙龍
自己都影咗幾張沙龍, 不過我都唔會同炒飯一齊影
今日玩得好開心呀~~ 可能真係好難得見到個咁大嘅草地..一於下次再玩過~~~
真係好正咁喎....
回覆刪除><下次我一定會去架
金寶主人都係bloger嚟架...
[版主回覆04/12/2010 16:04:00]真係好正，你下次一定要去呀～係呀？等我去同佢SAY個HI先～～
我得 , 妳晚相 P PRO 好多呀 ! 金寶真係跑狗黎架 ^^ 多多指教 !
回覆刪除妳行得快我好多呀 ^^ 我次次都係行得最慢架 ^^
呢度真係好地方 , 又人少地方又大 ^^
[版主回覆04/12/2010 16:45:00]好勁呀～～番茄識到個咁型嘅朋友仔實冇人敢蝦佢呀，哈哈～～係呀，一句講哂，嗰度超正!!
NO 書 ! 金寶好混架 !
回覆刪除果度真係好正 !
[版主回覆04/12/2010 17:07:00]直情係狗狗人間天堂
回覆刪除點解 POST 2 次都錯字架 !
NO 啦 ! 金寶好洩洩架 !
[版主回覆04/12/2010 17:06:00]唔係呀～我覺得佢好乖，一路行你哋一叫佢即刻返去你哋身邊，我叫番茄叫到斷氣佢至望我一眼
佢如果發覺果隻狗蝦得 , 佢就會追佢同拍底佢 ...... 好衰架佢
回覆刪除[版主回覆04/12/2010 19:34:00]番茄行埋去佢到，佢都冇蝦番茄喎
深涌真係好正, 今年我想 plan 去幾次都遇都唔好天取消, 唔知夏天前去唔去到一次呢....
回覆刪除[版主回覆04/12/2010 19:36:00]真係好正，但係一定要夏天前去，如果唔係會熱死～～我都諗住夏天前去多次
回覆刪除番茄真係跑到伸受脷
行入去 1 個鐘，來回就 2 個鐘，咁行都幾索氣喎
[版主回覆04/12/2010 21:46:00]係㗎，係三杯酒有船搭過去，我諗咁會舒服好多～好彩嗰日唔太熱，唔係真係會中暑 ～～
蕃茄個樣可能唔好蝦蕃茄個樣可能唔好蝦
回覆刪除[版主回覆04/12/2010 21:48:00]哈哈～～番茄係鱷魚頭老襯底咁都呃到金寶呀 ～～
正喎! 不過帶 Niza 去太危險......
回覆刪除[版主回覆04/13/2010 10:46:00]嗯～都係架，因為實在大到唔知點追返佢返嚟，雖然嗰度嘅環境係好安全～～ 不過其實嗰度咁大，我覺得佢冇力走得幾遠就會返轉頭
(Empty)
回覆刪除我早幾年聖誕節都黎過呢度露營呀, 呢度睇日落同埋夜晚睇星星勁靚~ 果時都見到有好多人帶埋啲狗狗去露營架...
回覆刪除BTW, 妹豬爸爸睇到蕃茄某幾張相係咁話真係好似妹豬~ 哈~
[版主回覆04/13/2010 11:05:00]我諗而家就唔可以露營喇，我見有D牌寫夜咗會有野豬架～～我第一眼見妹豬已經話佢似架啦，哈哈～～下次一定要帶埋妹豬去嗰度喪跑吓~~~
也方唔錯喎~
回覆刪除[版主回覆04/13/2010 17:11:00]係架，真係大到不得了呀