好悶的星期日

星期日本來諗住同番茄去萬宜水庫行吓，點知好大雨去唔到～～都唔知做咩好，就唯有帶佢去西貢high tea  去到西沙茶座見到檯檯都有狗狗喺度high tea....可能個個都落雨冇地方去.....嗰度雖然每張檯都有把好大嘅遮, 不過都係冇用番茄個頭仍然濕哂希望嚟緊嘅星期日會好天啦等番茄可以放下電

番茄個頭濕哂

 

 

 

田園下水禮

星期五係假期，今年第一次同番茄去游水，BOOK咗兩點鐘～～ 去到至知加咗價，以前＄160蚊游45分鐘連沖涼，今年加咗30蚊～～如果要教練就再加100蚊。

我每次都有幫番茄要教練，因為番茄唔鍾意游水佢唔會自己跳落水㗎～～但係有教練嘅話教練就會喺水裡面帶住佢，佢冇得游過對面就上水。 最重要係游水可以得到全身運動對身體都好D嘛～～

朝早起身冇咩做就同番茄試下喺網上面訂咗嘅衫仔，試上身至知番茄比起冬天嘅時候又大個女咗喇，D裙仔好短呀～～不過好彩都著得落 游完水返嚟又再試埋姨姨買比佢嘅紮頭髮髮夾，紮起前面D毛毛都幾好睇丫同埋比我想像中容易紮～～～ 跟住我哋就去食飯喇，今晚係我婆婆嘅生日. 我哋去尖沙咀嘅金島潮州海鮮酒家食，嗰度D食物水準都非常之高...係我食咁多潮州菜館最好食嘅一間～～～

番茄好似知道佢今日冇得去跑跑咁，悶樣一個~~

新髮夾

番茄BB嗰時頂太陽帽已經唔啱戴喇

新買嘅吊帶裙仔

下水禮

去到尖沙咀未夠鐘食飯影咗幾張夜景

其中一味餸大大塊螺片

呢個壽包好特別同好好味，中間個壽包入面再有壽包

 

 

 

 

 

無聊的一天

星期六唔駛返工見，朝早起身無咩做就捉住番茄影相～～ 佢而家知道影完相就會有野食，個餵食貓好合作郁都唔郁比我影

跟住就仲無聊，無咩地方去就近近哋去咗九龍仔公園影相  其實我鍾意影人多過比人影，我覺得影番茄就最好玩～～ 影花花草草同風景都而家為止始終興趣唔大～～ 今次我用咗一支已經停產同埋有18年歷史嘅手動定焦鏡同番茄影 室內嘅效果都唔錯..手動定焦鏡嘅價錢平過小小白好多，不過我覺得個散景效果仲靚過小小白

如果室外就更加靚，我好鍾意嗰種好油潤, 主體突出背景朦嘅感覺......

我冇放毒呀～～但係D相嘅效果真係好靚㗎，無論顏色同層次都同而家D鏡有好大分別～～

番茄冇街去瞌哂眼瞓

D散景係唔係好靚呢

呢張用返細少少光圈效果一樣唔錯

 

 

 

 

 

 

流水嚮

星期日同番茄，妹豬，FERGIE仲有FA FA FAMILY哋去咗流水嚮～～未去之前已經知道來回要行兩個鐘，但係冇諗過真係熱得咁緊要，好辛苦呀～～仲要全程都係山路側邊係懸崖冇得放繩，連最癡住MAMA腳行嘅妹豬都要拖繩行就知嗰度幾危險喇～～

最後行咗大約三份一路程就放棄～～仲去咗大埔寵物寶寶行咗陣添，不過嗰度除咗游水係完全冇野玩，我覺得PET MAX好好多，知少有得比佢哋跑吓～～

本來一心諗住比FERGIE MA同佢特訓嘅番茄由於完全冇地方可以特訓所以都唯有等下次～～

今日冇地方比佢哋跑，所以唔係影咗好多相同埋都係用手動定焦鏡影～～可以慢慢影嘛～～去到寵物寶寶嘅時候，FERGIE BA借咗嚟試玩，似乎佢對呢件玩具都好有興趣喎～～仲影得唔錯添～～FERGIE MA你記住爭我一堂特訓堂喎～～

寵物寶寶沙龍篇

FA FA家成員之一

 番茄小姐

仲有好多電未放嘅FERGIE~~

係FERGIE BA影嘅，係咪掂先～～不過唔知佢原意有冇影埋FERGIE MA嘅呢？定係刻意嘅構圖呢？

CARMEN+妹豬

我+妹豬

流水嚮沙龍篇 (今次喺室外影嘅相張張好靚呀~~)
FA FA家嘅另一成員

呢張仲唔係沙龍??

CARMEN+妹豬

我+妹豬

我+FERGIE

我+番茄

合照

wow~~~~~~CECILE+FERGIE

CECI同FERGIE距離太遠所以只係FOCUS到FERGIE媽，冇陰公～～好彩影得FERGIE MA靚靚嗟～～

嗰日真係好熱呀～～夠竟夏天幾時至完呢～～～～～～