荃灣海濱公園+貓狗天地

星期六同妹豬奶茶麥皮哋去咗海濱公園玩..嗰日個個都要返工, 放工返去接咗佢哋就出發~~去到已經差唔多四點 雖然已經好晏不過就仍然熱到飛起又熱又焗

原本諗住比佢地喺公園玩一陣就行去深井, 點知奶皮媽第一個投降佢話去貓狗天地坐吓好過喎........我直情要舉腳讚成添呀～～咁熱又有蚊咬好辛苦嗟～～今次係我第二次去貓狗天地, 第一次去嘅時候啱啱開張好多人呀~~今次就得我哋四個小朋友加另一檯一隻好斯文嘅哥基...

我哋玩到6點幾就走喇, 走嘅時候妹豬同番茄都好似未放哂D電咁睇嚟下次都要行山至得喇不過天氣越嚟越熱點算好

一個星期放電一次嘅番茄, 無論去邊, 無論有幾熱佢都一樣咁ENJOY

麥皮妹妹雖然好怕哂太陽, 不過嗰日佢都玩得好開心呀~~

奶茶爭取時間放電...

好熱~~好熱~~奶茶先生就真係熱到飛起喇~~

妹豬仲勁細細粒跑得超快!!

嘩～仲成世界嘅～～大蝦細仲要兩個蝦一個

奶皮媽投降前嘅一張沙龍, 你估佢做咩笑得咁開心??

貓狗天地嘅一隻PR狗~~

隔離檯嘅哥基~~等食嗰時郁都唔郁企定定..

番茄周身郁冇時定, 再加上唔夠光好難影......

奶茶比人罰緊所以定過番茄

嚟緊嘅日子真係要好好諗吓邊度有得比佢哋放電但係又唔駛我哋咁熱嘅地方去