烏交藤

星期六一早番茄姨姨打電話比我話去行山喎，五一勞動節帶番茄勞動吓都好喎～於是我哋就出發去烏交藤，之前曾經睇過亞蘇嘅節目介紹呢個地方～～但係估唔到嘅係由起程到返去起點嘅位置唔計休息時間要行足足五個鐘，番茄姨姨今次真係大整蠱番茄喇 沿路嘅風景真係幾靚㗎，不過番茄就行到申哂俐～～好彩途中會經過好多大大小小嘅溪澗有好冰涼嘅水比佢濕吓個身～我哋都見到好多人都會帶狗狗去行不過就個個都行到申哂俐

好辛苦呀～～又上山又落山雖然中途坐低咗食野同休息，不過到最後番茄都攬住姨姨隻腳唔肯行要摟抱～～

沿路有好多好淺水嘅溪澗

有好多人嚟呢D破爛嘅屋度影相...........

呢顆樹上面生滿野菇

紅色葉嘅植物

好多花花影㗎~~

連寄居蟹都有......

嘩～我終於第一次影昆蟲相喇，靚唔靚呀？

第一次影牛，好驚呀～～隻牛好多烏蠅㗎...................

我好鍾意好似呢類型嘅景，我覺得好靚好有FEEL咁～～～

番茄：媽媽，我哋已經行咗三個鐘喇...究竟行完未呀?我就嚟支持唔住喇

番茄：媽媽：拿～我哋行埋呢段少少嘅路.......

番茄，你見唔見到對面有間屋呀？再兜埋過去咁就可以坐低休息吓㗎喇.....

呢碟就係亞蘇介紹過嘅沙頭角走地雞，行咗三個鐘點都要試吓啦～～味道都唔錯..

番茄就覺得D雞胸肉好好味喇～～

休息咗半個鐘又出發喇，再唔行就天黑㗎喇.......

番茄：仲要行呀？？我行唔郁喇..................

上埋山再落山就到喇，仲有兩個鐘.....

喺山上面望落個海度，好靚呀～～

睇吓番茄個樣幾可憐~~~~~~~~~

番茄：姨姨，你整蠱我～～你再唔抱我，我做鬼都唔放過你