深涌

星期日又約咗D朋友仔去跑跑, 今次嘅目的地係深涌~~~

對上一次去係四月, 嗰次係由榕樹澳行入去, 行程係1小時～～今次我哋係由三杯酒碼頭搭船去, 仲係快艇添! 好刺激呀..船費一D都唔貴, 我哋4個人6隻狗都係$110一程, 船程大約三分鐘, 然後行15分鐘就到喇...

好耐冇見嘅大草地, 我哋嚟喇..自從炎熱嘅夏天開始, 班小朋友就已經冇又行又跑咁玩過~~
喺草地跑完一輪就緊係開餐喇..嘩~~發達喇!! 佢哋品嚐B媽親手做嘅萬聖節餅餅, 一包餅有唔同嘅味道, 唔同嘅形狀, 我試食過真係好好味喎，多謝哂B媽嘅心意
之後我哋去士多嘆下午茶，據聞呢間士多最出名嘅就係炒麵同豆漿, 可惜豆漿賣哂..炒麵都幾好味，唔錯
食完野諗住去跑多陣就走，我哋去到草地嘅另一邊玩咗陣就見到8隻剪米芝蓮裝嘅poodle嚟到，原來係羅寶文帶住8隻狗+四個工人+兩個保標..好熱鬧啊～～成班小朋友見到就一窩蜂咁擁埋去玩，奶茶就例牌埋去聊女仔，點之突然8隻一齊反追奶茶..奶茶先生就係咁跌咗落水喇，仲要麻煩保標先生幫手救佢上水，又成身濕哂仲要賓妹姐姐借咗條毛巾比佢抹身～～ 奶茶，下次唔好再咁花心，周圍聊女仔喇

今次又影咗好多靚靚跑跑相

最鍾意周圍識女仔嘅奶茶

Bailey, 你跟住奶茶唔通想識番個靚仔

Bailey : 只係想同大自然嚟個擁抱

而我心目中嘅白馬王子係哥哥..呢度都冇嘅

Bailey : 哥哥, 等埋我啦~~~

薯仔: 我嘅寶貝妹妹..你可唔可以唔好阻住我搶野??

Bailey: 我要同哥哥影合照

其實Bailey大部份時間都好文靜, 好乖女~~

Fergie今日跑得好開心呀

Fergie: 真係好大好大個草地呀~~~

嘩～～Fergie, 你塊面................

Fergie: 我塊面有咩問題?? 我塊面好瘦同好滑啊

我好鍾意麥皮呢兩張跑跑相，麥皮好少跑得咁快㗎，所以都係難得之作~~

番茄好耐冇試過跑得咁開心喇～～

而我亦都好耐冇影過番茄D咁靚嘅跑跑相~~

我勁鍾意呢張相，我覺得好有水準

番茄, 今日係唔係玩得好開心呢?

每次同薯仔影跑跑相都好有成功感㗎

睇吓影得幾有動感~~細佬, 你條尾好長呀~~

比佢笑死我，狗仔細細咬住個樽仲可以跑得咁快。個樽係薯仔喺地下執番嚟㗎，點之有個小朋友走埋嚟話薯仔攞咗佢個樽

喺度好多謝B媽做咗D咁精美, 咁好味嘅餅餅比班小朋友. 佢哋真係好鍾意食呀!! 搞到Fergie mami 心思思想買個焗爐添

好多謝Kit送嘅萬誕節禮物

最後就係我哋嘅合照

Bailey, 你笑起上嚟好靚靚呀~~

終於有我哋嘅第一張個個都望鏡頭嘅全家福, 唔該哂Bryan同Cecile幫我揸機

而Cecile亦都有第一張見得吓人嘅三人合照下次我一定要幫你哋影全家福