星期六又約咗成班朋友仔嚟屋企飲飲食食。大人有得食，小朋友都有得食。今次嘅聚會有8人7狗，我哋飲咗7支紅酒仲有飲埋啤酒添
打邊爐嘅鍋底係麻辣海鮮嘅火鍋包
大大碟嘅辣椒, 因為個個都食得辣
打邊爐當然唔少得菜啦
超甜嘅粟米, 下次可以再幫襯
彈牙牛丸同貢丸
呢隻係新鮮雞..有名堂㗎!! 叫太康雞, 重3斤
另外買嘅新鮮雞腳同雞翼
大海蝦
大大隻嘅奄仔...麻煩哂兩位幕後廚神幫手洗蟹同劏蟹
龍躉...D肉好滑㗎
仲有我至愛嘅大大隻南非鮑魚..好鮮甜, 好好味!!
手切肥牛..正!! 有咬口~~
小朋友都有得食..今晚佢哋食白汁芝士西蘭花龍利魚蜆殼粉
因為今晚番薯姨丈(番茄,薯仔姨丈嘅簡稱
)喺度...所以Kit今晚偷懶佢影咗好少相, 大部份時間都係比人影
Fergie永遠都係咁可愛
型喎!!
而我亦都偷懶相機都唔揸
充滿期待嘅一班小朋友
開餐喇~~~
奶茶係唔係番茄唔采你呀? 做咩冇心機??
麥皮貢開心?? 因為見到薯仔哩
點解Niza咁多相嘅??? 因為番薯姨丈話佢最鐘意係Niza喎~~
佢話覺得Niza個樣好似成日笑緊咁..好可愛!!
又係好開心嘅一次聚會, 笑到唔識郁 !! 下次再玩過 !!!!
後記 : 雖然表面上聚會係喺我屋企搞, 其實每個人都有出手幫忙. Kit同Edward會幫我睇住極度百厭嘅薯仔
Cecile 會打好多次電話比我, 問我須唔須要幫手買野
...特別唔該哂Bryan同老爺幫手買好重嘅啤酒, 同整D我同妹妹都唔敢整嘅蟹。朋友就係咁, 我唔會只係諗喺自己屋企搞呢類型嘅聚會我會有幾辛苦, 我會諗同樣你哋每一個都有付出!! 所以我唔介意以後個場地都喺我屋企㗎
.咁樣我慳番好多車錢, 年中慳唔少. Anyway, 因為有你哋!! 所以有好開心嘅一晚
咁我就安樂啦~
回覆刪除好多謝你提供一個咁好嘅場地環境俾我哋玩足一晚
[版主回覆11/18/2010 15:57:00]係一齊玩足一晚至啱，唔好再講埋D咁客氣嘅說話啦，幫我同老爺講聲唔該哂佢嘅幫忙就真
多謝番茄媽媽一連兩個禮拜比我地上來搗亂，又要買野又要招呼我地，多謝Marisa姐姐為我地忙咗2個禮拜整野食-好好好食！多謝番薯姨丈為我地影咁多靚相。 多謝你呀朋友！
回覆刪除[版主回覆11/18/2010 15:59:00]番薯姨丈 <== 呢個NAME真係掂 ，唔好再咁客氣，我會好angry!!!
今次嘅聚會有8人7狗......連最怕醜ge 麥皮都係埋度...... 仲有兩個小朋友去左邊.~~~~~~ ...
回覆刪除[版主回覆11/20/2010 10:03:00]仲有兩個就係Niza同番茄，執輸～～有米派都唔識行快兩步
咁多美食形容詞、超甜粟米，彈牙牛丸同貢丸，新鮮太康雞重3斤、新鮮雞腳同雞翼、大海蝦、大大隻嘅奄仔蟹、好滑龍躉肉、大大隻南非鮑魚同好有咬口手切肥牛 ~ ~ 女食神重唔係你
回覆刪除[版主回覆11/20/2010 10:04:00]咁都比你發覺我鍾意食野添，哈哈
唔止鍾意食嘢，重有食辣同飲紅酒呢
回覆刪除[版主回覆11/21/2010 23:15:00]哈哈哈哈，細聲D D唔好幫我唱通街至得㗎