乾煎蝦碌

我好鍾意食海鮮，特別係蝦！無論咩蝦都鍾意食
呢味椒鹽蝦碌係我至愛，好容易整㗎！D蝦唔駛醃都好入味！
 

材料：

中蝦一斤 紅椒3隻 (我就落咗10隻，因為鍾意食辣)鹽 2茶匙 蒜蓉1茶匙

做法:

1. 將蝦清洗, 在中間位切開去腸. 剪去頭尖部份及腳, 。

2. 將蝦切段及滴乾。

3. 紅椒清洗及切幼絲。

4. 蝦走油備用。

5. 再燒熱半湯匙油，炒起紅椒絲, 蒜蓉及鹽。

6. 加入蝦，快手炒(因為蒜蓉容易燶), 上碟。

 

 

 

 

豬骨煲

豬骨煲

每個星期六我哋總會聚一聚，可能已經成為咗我哋大人同一班小朋友嘅習慣。天氣稍為涼嘅時候，我哋會帶班小朋友去跑下，但係夏天就真係唔多想去街了。所以我哋多數整吓野食，順便等佢哋喺室內玩下。今個星期六彭福冇開，於是我哋又玩下煮飯仔。今日整咗豬骨煲，我哋先飲湯再打邊爐，真係正到不得了!

完成品

 材料：

豬筒骨一斤

粟米兩條

白蘿蔔一條

唐芹4棵

枝竹適量

白胡椒少許

做法

1. 先將豬筒骨一開二，然後洗淨

2. 然後將豬筒骨出水再過冷河

3. 燒一煲大熱水然後將豬筒骨放入煲內，加入適量胡椒粒

4. 開大火煲約1小時，再加入粟米，白蘿蔔用大火煲30分鍾，之後加入鹽調味

5. 最後將唐芹和枝竹放下，便成美味打邊爐的豬骨煲

龍蝦湯

材料：

龍蝦2隻，
洋蔥1個，甘荀1條，
西芹3條， 麪粉3湯匙，白酒半杯，魚上湯4
杯，忌廉半杯，月桂葉2片，茄膏3湯匙，香草少許

做法：
 

1. 龍蝦洗淨，放入滾水煮熟龍蝦，將龍蝦身的肉拆出切塊備用。
   
   
2. 龍蝦頭和殼用牛油慢火炒香，加入月桂葉，白酒，魚上湯煲45分鐘
   
   
3. 已經切粒的洋蔥，甘荀，西芹用牛油炒香加入茄膏和麵粉再加入之前的已經煲成的上湯煲大概15分鐘或直至蔬菜軟身。
   
   
4. 將渣隔去，只要湯，加入忌廉和鹽調味，放入龍蝦肉，香草，即成。
   

銀鱈魚西京燒

材料 :
銀鱈魚1件，白味噌半杯， 清酒 1/4杯，味醂 1/3 杯

做法 :

1.將銀鱈魚洗淨, 用廚房紙吸乾水份

2.將白味噌，清酒和味醂混合成醃料

3. 將銀鱈魚放入密實袋倒入醃料, 醃料應該要蓋過銀鱈魚，放雪櫃醃過夜

4. 將銀鱈魚由雪櫃取出, 用廚房紙抹去醃料但不要完全抹走

5. 煎碟抹油, 放銀鱈魚, 用220度低架10分鐘，然後返轉再焗8分鐘（因應魚的顏色而加減烹調時間）

 

 

開心玩樂曰@彭福

每個星期我哋都會聚—聚，有時吃喝玩樂，有時就享受吓大自然空氣，當然唔少得陽光與海灘

今個星期去邊呢？原來去我哋嘅歡樂天地，彭福！

介紹吓四位小成員先! 最左手邊個頭最大嘅叫薯仔, 你咪睇佢咁大舊呀，喺佢隔離細細粒嘅竟然係佢同父同母嘅妹妹! 佢叫Bailey，再落嚟呢位就係薯仔嘅姐姐叫番茄，點解佢哋唔同色？好簡單因為佢哋係不同父又不同母囉。咁最右手邊呢位叫FERGIE，佢係Bailey不同父又不同母嘅姐姐

呢條陰陰咀笑嘅肥妹係我家姐番茄，肥滕滕唔願跑，人哋明明話賽跑，佢就蟻冷咁行




你哋可以叫我薯仔, 不過人人都叫我細佬...我覺得呢個名唔太襯我!!! 我點睇都係大佬一名啦!!!



我好鍾意玩執波波，因為baba掛住掟波唔得閒train我...我baba成日扮dog trainer 真係笑死我




我跑得好快㗎，因為我高大威猛加英俊瀟洒



我覺得你係大舊衰就真，傻仔！！！


傻仔，捉我啦～～BB嗰時你食哂我D野，搞到我唔夠高參加香港小姐

我費事采你呀，我都係鍾意同Fergie玩! 一路玩一路傾都不知幾開心

上海炸春捲

 

 

材料：春捲皮20張，黃芽白1棵，冬菇8隻，瘦肉半斤，蝦仁半斤，冬筍2棵

做法：

1. 
   
   將黃芽白，冬菇，瘦肉和已經出水的冬筍切絲，瘦肉用生抽1湯匙，生粉2茶匙，生油1湯匙醃半個小時，蝦仁出水備用。
   
   
2. 
   
   燒熱鑊下油2湯匙，爆炒肉絲，然後冬菇，再下黃芽白，下鹽一茶匙，糖二茶匙，耗油一湯匙，待黃芽白軟身後加生粉水埋芡最後下麻油一湯匙便成餡料。
   
   
3. 
   
   待餡料涼後，包春捲，然後用中火炸至金黃色便可。

 

竅門：餡料要保持乾身才不會導致春捲皮在炸的時候破爛，所以打芡要盡量稠一點。

光波爐@燒乳鴿

用光波爐整燒乳鴿一滴油都唔駛用，就可以做出皮脆效果，而且撕開隻乳鴿肉嫩多汁！


做法 :

1) 乳鴿 2隻洗淨抹水份，下少許鹽、糖、生抽、老抽抹勻，再加入2湯匙鹵水汁，用膠袋紮好醃數小時 (或放入雪櫃醃一晚)。
2) 預備一小碗蜜糖水
3) 燒熱一鍋水，將乳鴿出水10秒
4) 預熱光波爐 3分鐘，置低架，放入乳鴿，胸部向上；240度 x 10分鐘，開蓋掃上蜜糖水，繼續用 240度 x 4分鐘 (下蜜糖後小心表皮燶，或可降溫至 230度)；反轉再焗3分鐘，重覆掃上蜜糖水再焗至金黃即成。